Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalar mantiqiy rivojlanib boruvchi hikoya tuzishni o’rganadilar.

Kerakli jihozlar:

Hikoyaga mos rasm

Mashg’ulotning borishi

Tarbiyachi: Bolalar, siz to’g’ri so’zning sehri borligini bilasizmi?

Hozir men o’qib bermoqchi bo’lgan hikoyada rost gapirish yaxshilikka eltishi haqida yozilgan. Hikoyani diqqat bilan eshitsangiz, rost so’zning sehri qanday yaxshiliklar olib kelishini bilib olasiz.

Tarbiyachi hikoyani ifodali qilib o’qib beradi. Hikoya bo’yicha savollar:

1. Hikoya nima haqida ekan?

2. Jalol nima yo’qotib qo’ydi?

3. Yo’lovchi kishi Jaloldan nima deb so’rabdi?

4. Jalol nima deb javob berdi?

5. Yo’lovchi kishi nima uchun Jalolga qalam sovg’a qildi?

6. To’g’ri so’zlash insonni nimaga eltar ekan?

Savol-javobdan so’ng tarbiyachi hikoyani yana bir marta o’qib beradi

Qalam

Yashar Xondamir

Jalol bir kuni qalamini yo’qotib qo’ydi.Yo’l chetiga o’tirib yig’lar edi. Bir rahmdil kishi Jaloldan nega yig’layotganini surishtirdi. So’ngra cho’ntagidan bir qalam olib:

-Yo’qotgan qalaming bu emasmi?-deya so’radi.

Jalol esa hiqillab:

-Yo’q, mening qalamim bunchalik chiroyli emas edi,-dedi.

Haligi kishi Jalolning rostgo’yligini yoqtirib qoldi.

-Unday bo’lsa, to’g’ri gapirganing uchun bu qalamni senga sovg’a qilmoqchiman. Ma, ol,-deb qalamni unga berdi.

Hissa: to’g’ri so’zlash insonni yaxshilikka eltadi.

(5-6 bolaning hikoyasi tinglanadi).

Mashg’ulot yakunida bolalarni rag’batlantirish.