Maktabgacha muassasalar xodimlarini qayta tayyorlash va malakasini oshirish respublika

Mavzu: Shaxsiy taassurotlar bo’yicha hikoya tuzish: “Bizning o’yinchoqlarimiz”

Maqsad:

Shaxsiy hayotlari asosida o’yinchoqning tashqi ko’rinishini ta’riflashga, ular bilan qanday o’ynash kerakligi haqida gapirib berishga o’rgatish.

Vazifalar:

So’zlashuv nutqini shakllantirish.So’zlarni aniq va burro aytish.

So’zlayotganda to’g’ri nafas olishni rivojlantirish.Nutqning ifodaliligini tarbiyalash.“S-Z” tovushi ustida ishlash. “S” tovushiga so’z topish. Jumlalarini qattiq, pichirlab aytishni mashq qilish.

Kutilayotgan natijalar:

Bolalarning so’zlashuv nutqi rivojlanadi.

Bolalarda o’z fikrini nutqda mustaqil ifodalash malakalari shakllanadi. “S-Z” tovushi to’g’ri talaffuz etish, “S” tovushiga so’z topish, jumlalarni qattiq, pichirlab aytish malakalari mustahkamlanadi.

Kerakli jihozlar:

O’yinchoqlar: mashina, sigir, buzoq, zebra, sichqon.

Mashg’ulotning borishi.

Tarbiyachi: “Bolajonlar, qaranglar, bizning guruhimizda o’yinchoqlar, juda ko’p. Ular har xil. Sanjar, sizning yoqtirgan o’yinchog’ingiz qaysi? Bizga ko’rsating?” (Sanjar mashinani ko’rsatadi).

Sanjar, Siz bu o’yinchoq haqida gapirib bering. Uning nomi nima? Nimalari bor? Nimadan yasalgan? Mashina yaxshimi, yomonmi? Sababini tushintiring. U bilan qanday o’ynash mumkin? (Bolalar so’zlaydilar. Shu tariqa boshqa o’yinchoqlar ham ko’rib chiqiladi va 3-4 boladan so’raladi).

Tarbiyachi: Endi uyingizdagi yoqtirgan o’yinchog’ingiz haqida gapirib bering. Yoqtirgan o’yinchog’ingiz haqida shunday gapirib berishingiz kerakki, o’yinchog’ingizni ko’rmagan bolalar o’yinchog’ingizni ko’rgandek bo’lishlari, u bilan qanday o’ynash kerakligini tushunib olishlari kerak (Agar bolalar ta’riflashda qiynalsalar, tarbiyachi namuna beradi. O’yinchoqni ko’rsatib, ta’riflab beradi).

Barmoqlar mashqi

T arbiyachi she’rni o’qib turadi. Bolalar harakatni bajaradilar.