Maktabgacha muassasalar xodimlarini qayta tayyorlash va malakasini oshirish respublika

Barmoqlar mashqi

Tarbiyachi she’rni o’qib turadi. Bolalar harakatni bajaradilar.

Gul

Atirgul edi g’uncha,

Ochilibdi tong otguncha.
Ikkala qo’l barmoq uchlari jipslashtiriladi.

Kaftlar biroz bukilgan holatda. Bunda g’uncha

shakli ifodalanadi

Kaftlarning pastki qismi bir-biriga jipslashtiriladi, barmoqlar doira shaklida keng ochilgan va biroz bukilgan.Bunda ochilib turgan atirgul hosil bo’ladi.

Tarqatma jihozlar bilan ishlash. Bolalarga gul turlarining suratlari tarqatiladi. Bolalar o’zlaridagi suratda qaysi gul turi borligini, uning nomini aytib berishlari kerak.

“Guldacta” o’yini

Bolalar davra bo’lib o’tiradilar. Tarbiyachi bolalarga 4-5 ta gulning nomini (atirgul, rayhon, chinnigul, nastarin) navbat bilan aytishni va aytgan gulini nomini eslab qolishlari lozimligini aytadi. 1-bola atirgul, 2-bola rayhon, 3-bola chinnigul, 4-bola nastarin, 5-bola yana atirgul, 6-bola rayhon... shu tariqa bolalar soniga qarab har bir gulning nomini 4-5 ta bola oladi. Hamma bolalar gul nomini olib bo’lganlaridan keyin o’yin boshlanadi. Tarbiyachi gul nomlaridan birini aytadi, masalan atirgul. Atirgul nomli bolalar o’rinlaridan turib tezlikda bir-birlarining joylariga o’tirib olishlari kerak. Tarbiyachi ham turganlarning birortasining joyiga o’tirib olishi kerak. O’tirolmay qolgan bola tarbiyachining o’rniga boshlovchilik qiladi. Bu jarayon takrorlanib boradi. Kimdir “guldasta” deb aytsa hamma bolalar o’rinlaridan turishlari va joylarini almashtirishlari kerak.

Gullar haqidagi she’rlar ayttirish bilan mashg’ulotni yakunlash mumkin.

8-mashg’ulot

Mavzu: “Asalari hech narsa demabdi” hikoyasi asosida qayta hikoya qilishga o’rgatish

Maqsad:

Asarni mazmunli, mantiqiy izchillikda hikoya qilishga o’rgatish.

Vazifalar:

Bolalarning bog’langan nutqini rivojlantirish.So’zlayotganda to’g’ri nafas olishni rivojlantirish.“S” tovushni aniq va to’g’ri talaffuz etish.

Bolalarda ifodali nutqni tarbiyalash.