Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Bolalar bilimlarini kengaytirishga yo’naltirilgan, ishtirok etishga mo’ljallangan interfaol usullar:

Aqliy hujum

Qisqa hikoya

Savol- javob

Tetiklashtiruvchi mashqlar

Kerakli jihozlar:

Turli mavzularda rasmlar

Mashg’ulotning borishi. Tarbiyachi: Bugun bolalar, siz bilan “H” tovushi ishtirok etgan rasmlarni ko’ramiz, ular haqida gap tuzamiz.

-Bu qanday poliz ekini? (handalak)

-Men handalak haqida gap tuzdim. “Biz handalak edik.”

-Siz handalak haqida qanday gap tuzgan bo’lar edingiz?

(Bolalar javoblari: handalak pishdi; dadam handalak olib keldilar)

Barakalla, bolalar hozir men sizga rasmlar tarqataman. Siz rasmga qarab gap tuzasiz. Tuzgan gapingizda “H” tovushi ko’proq uchrashiga harakat qiling.

Tarbiyachi: - Botir, senda qanday rasm bor, nomla.

Botir:-menda timsoh rasmi bor.

Tarbiyachi: timsoh so’zida “H” tovushi so’zning qaerida kelyapti?

Botir: timsoh so’zida “H” tovushi so’zning oxirida oxirida kelyapti.

Tarbiyachi: timsoh so’zini bo’g’inga bo’l.

Botir: tim-soh

Tarbiyachi:- tim-soh so’zi necha bo’g’in ekan?

Botir: tim-soh so’zi ikki bo’g’in ekan

Tarbiyachi:- tim-soh haqida qanday gap tuzding?

Botir: -Halima timsoh rasmini chizdi.

Tarbiyachi: tuzgan gapingda nechta so’z bor?

Botir: - to’rtta

Tarbiyachi: -qanday so’zlar?

Botir: - “Halima”, “timsoh”, “rasmini”, “chizdi”

Tarbiyachi: -to’g’ri, Botir to’rtta so’zdan iborat gap tuzdi. Halima timsoh rasmini chizdi. Gapda “Halima” birinchi so’z, “timsoh” ikkinchi so’z, “rasmini” uchinchi so’z, “chizdi” to’rtinchi so’z.

Tarbiyachi shu tariqa bolalardan “H” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.