Maktabgacha muassasalar xodimlarini qayta tayyorlash va malakasini oshirish respublika

Mavzu: Shaxsiy hayotdan hikoya tuzish. “Men Navro’z bayramini qanday o’tkazdim?”

Maqsad:

Tarbiyachining rejasi asosida shaxsiy hayotda bo’lgan voqealarni hikoya qilib, so’zlab berishga o’rgatish.

Vazifalar:

Bolalarning bog’langan nutqini rivojlantirish. So’zlayotganda to’g’ri nafas olishni rivojlantirish. Tovushlarni so’zlarda aniq aytish. Grammatik jihatdan to’g’ri jumlalar bilan savol va javob berish malakalarini rivojlantirish.

Kutilayotgan natijalar:

Bolalarning bog’langan nutqi rivojlanadi.

Bolalar grammatik jihatdan to’g’ri jumlalar bilan savol va javob berishni o’rganadilar.

Kerakli jihozlar:

“Milliy taomlar oshxonasi” o’yini uchun jihozlar

Mashg’ulotning borishi

Tarbiyachi: Bolalar, qanday bayram bo’lib o’tdi? Biz avval Navro’z bayramini bog’chada o’tkazdik. Navro’z ertaligi juda qiziqarli bo’ldi. Sahiy, quvnoq Bahoroy bizga sovg’a-salomlar berdi. Hammangiz Navro’z bayramini uyingizda davom ettirdingiz. “Navro’z bayrami” kuni dam olish kuni. Hozir biz “Men Navro’z bayramini qanday o’tkazdim?” mavzusida hikoya tuzib berishni o’rganamiz.

1. Shu kuni siz qachon, qaerga, kim bilan bordingiz?

2. U erda nimalarni ko’rdingiz?

3. Qanday tomoshalar sizga juda yoqdi? Shular haqida gapirib

berasiz.

Mana mening namuna hikoyamni eshiting:

Men bayram kuni o’g’lim bilan A.Navoiy nomli milliy bog’ga bordim. U erda ochiq sahnalardagi tomoshalarni ko’rdik. Bizga dor o’yini juda yoqdi. Maydonda oshpaz akalarimiz sumalak, halim ulashayotgan ekanlar, ulardan olib uyga qaytdik. Men choy damlab keldim, mazza qilib sumalak eb oldik. (Tarbiyachining namunasidan so’ng 5-6 bolaning hikoyalari tinglanadi)

Mashg’ulot yakunida bolalarni shirin so’zlar bilan rag’batlantirish.
6-mashg’ulot