Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalarning so’zlarni bir-biriga bog’lab, jumlalar tuzish malakasi mustahkamlanadi.

Kerakli jihozlar:

“ Onamlarning bayrami” nomli surat

Mashg’ulotning borishi

Tarbiyachi bolalar diqqatini “ Onamlarning bayrami” nomli suratga jalb qiladi:

1. Yaqinda qanday bayram bo’ladi?

2. Bu rasmni qanday nomlash mumkin?

3. Unda kimlar tasvirlangan?

4. Bolalar nima bilan shug’ullanyaptilar?

5. Hammasi nima bilan tugullanganini o’ylab ko’ring.

Avval bolalar onalariga qanday sovg’a tayyorlashni o’ylab ko’rganliklarini, bu kunga qanday tayyorlanganliklarini, keyin rasmda nima tasvirlanganligini va bayramni qanday o’tkazganliklarini hikoya qilib bering (3-4 boladan so’raladi).

- Hozir biz “Onamlarning bayrami” mavzusida hikoya tuzishni o’rganamiz. (Tarbiyachi bolalarga reja beradi):

1. Onangizga nima sovg’a qilmoqchi bo’ldingiz?

2. Sovg’ani qanday tayyorlaysiz?

3. Yana kimlar tabriklaydilar? Nimalar sovg’a qiladilar?

4.Qanday qiziqarli voqealar yuz berdi? Mana suhbatlashib ham oldik. Endi “Onamlarning bayrami” mavzusida hikoya tuzamiz (5-6 ta bolalar javoblari).

Onalar bayramiga biz ko’p she’rlar yodlagan edik. Shu she’rlarni qaytaramiz.

“Tabrik so’zi” o’yini

Tarbiyachi: Bolalar, tuzgan hikoyangizdan, yodlagan she’rlaringizdan ma’lum bo’ldiki, siz onangizni juda-juda yaxshi ko’rar ekansiz. Ularni juda xursand qilar ekansiz. Hozir mening savolimga chiroyli qilib javob berishga harakat qiling: Qani, Nodir, siz nima deb tabriklaysiz? Siz-chi Nuriddin? Qani yana kim onasiga aytgan tabrigini chiroyli qilib aytib beradi?…… (Shu tariqa bolalardan onalariga tayyorlagan tabrigini qofiyali qilib aytib berishni so’rash mumkin).

Savodga tayyorlash bo’yicha amaliy mashq

Tarbiyachi: Bolalar, it qanday irillaydi?

Bolalar: -ir, ir deb irillaydi.

Tarbiyachi: qurbaqa-chi, qurbaqa qurillaydi?

Bolalar: qurbaqa «qur-qur» deb qurillaydi.

Tarbiyachi itning irillashi va qurbaqaning qurillaganidagi so’nggi tovush r ni ayirib, cho’zib talaffuz qiladi.

“R” tovushi talaffuz ettiriladi. “R” tovushining so’z boshida (ran-da, ru-bob), o’rtasida ( a-ri, ar-ra), oxirida (a-nor, Ab-ror) kelgan rasmlarni nomlash, so’zlarni bo’g’inlarga bo’lib aytish.