Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning bog’langan nutqi rivojlanadi.

Bolalarning asarni qayta hikoya qilish malakasi oshadi.

Kerakli jihozlar:

Asarni sahnalashtirish uchun jihozlar

Mashg’ulotning borishi

Tarbiyachi: Bolalar, qanday qushlarni bilasiz? Hayvonot bog’ida qanday qushlarni ko’rgansiz? Bolalar, hozir men-chi, siz ko’rmagan qush haqida gapirib bermoqchiman. U chiroyli qush bo’lib, oti Durroj. Bu hikoyani bobomiz A.Navoiy yozganlar. (Tarbiyachi masalni ifodali qilib o’qib beradi).

Masal bo’yicha savollar beradi:

1. Kimlar do’st tutinishibdi?

2. Durroj Sherni nima deb aldabdi?

3. Durrojga kim qasd qilibdi?

4. Sher nima uchun Durrojga yordamga kelmabdi?

Tarbiyachi masalni yana bir bor o’qib beradi va bolalardan qayta hikoya qilib berishlarini so’raydi (5-6 bola javoblari).

Grammatik mashq:

1. Sher asarda qanday tasvirlangan?

2. U haqida nima deyish mumkin? (sodiq, do’st, rahmdil, botir).

3. Botir so’ziga qarama-qarshi ma’noli so’z toping (qo’rqoq, yuraksiz).

4. Durroj asarda qanday tasvirlangan?

5. U haqida nima deyish mumkin? (yolg’onchi, aldoqchi).

Tarbiyachi bolalarning so’z topqirlik malakalarini tekshirish maqsadida o’yin taklif etadi.

Bolalar doira bo’lib turadilar. Boshlovchi navbati bilan o’ynovchilarning har biriga qarab: “Baliq, qush,hayvon” deb aytadi. Sanoq kimda to’xtasa, shu bola boshlovchi 3gacha sanaguncha, o’sha turkum vakillaridan birortasini aytishi kerak. Nomlar takrorlanmasligiga intilish kerak. Agar javob to’g’ri bo’lsa, boshlovchi o’yinni davom ettiradi. Javob noto’g’ri bo’lsa, nom takrorlansa bola o’yindan chiqadi. O’yin bitta ishtirokchi qolguncha davom etadi.

Tarbiyachi mashg’ulot yakunida barcha bolalarni rag’batlantiradi.
5-mashg’ulot