Maktabgacha muassasalar xodimlarini qayta tayyorlash va malakasini oshirish respublika

2-mashg’ulot

Mavzu: “R” tovushini to’g’ri talaffuz qilish

Maqsad:

“R” tovushining to’g’ri talaffuzini mustahkamlash.

Vazifalar:

“R” tovushini o’rni aniqlash: so’z boshi, o’rtasi va oxirida kelishini aytish,so’zlarni bo’g’inlarga ajratish, “R” tovushini eshitib farqlashga o’rgatish, “R” tovushli so’zlar bilan bolalar nutqini boyitish.

Kutilayotgan natijalar:

“R” tovushining undosh tovush ekanligini, uning so’z boshi, o’rtasi va oxirida kelishini bilib oladilar.

“R” tovushli so’zlar ayta oladilar.

Kerakli jihozlar:

“R” tovushi bor suratlar

“Bo’g’inlardan so’z tuzing» ta’limiy o’yin uchun materiallar

Mashg’ulotning borishi:

Tarbiyachi: bugun bolalar “R” tovushi haqida suhbatlashamiz. “R” undosh tovush. Tovushni eshitamiz, talaffuz qilamiz. Diqqat bilan eshiting “R” tovushini talaffuz qilganimda chapak chalasiz.

- “R”, “r”, “l”, “R”, “a”, “o”, “u”, “R”, “sh”, “z”, “R” …..

- “R” tovushiga oid so’zlar topishga harakat qilamiz: randa, rom, raketa, rediska, ari, o’rik, traktor (bolalar qiynalsalar rasm ko’rsatish mumkin)

- Aytilgan so’zlardagi “R” tovushini o’rnini aniqlaymiz.

Men aytaman, siz aniqlaysiz: randa Men shu so’zni qayta aytaman, siz birinchi tovushni aytasiz: r-r-ran-da, Demak, randa so’zida “R” tovushi so’zning boshida kelyapti; men boshqa so’zni aytaman, siz “R” tovushini o’rnini aniqlang: ar-r-ra, demak, ar-r-ra so’zida “R” tovushi so’zning o’rtasida kelyapti.Men boshqa so’z aytaman diqqat bilan eshiting: ka-mar-r-r demak, ka-mar so’zida“R” tovushi so’zning oxirida kelyapti.

Endi o’zingiz mustaqil “R” tovushi ishtirok etgan so’zlarni toping va o’rnini aniqlashga harakat qiling. Bolalar aytgan so’zlarini chapak chalish orqali bo’g’inlarga bo’ladilar.(Rustam, sir, atirgul, supurgi, burun)