Maktabgacha muassasalar xodimlarini qayta tayyorlash va malakasini oshirish respublika

Fevral

1-mashg’ulot

Mavzu: A.Avloniyning “Bolari va pashsha” asarini qayta hikoya qildirish

Maqsad:

Asar mazmunini, mantiqiy izchillikda, aniq va tasviriy ifodalardan foydalangan holda hikoya qilishga o’rgatish.

Vazifalar:

Bolalarning bog’langan nutqini rivojlantirish. So’zlayotganda to’g’ri nafas olishni rivojlantirish. Ot va sifatlardan to’g’ri foydalanish. Nutqning ifodaliligini tarbiyalash.

Kutilayotgan natijalar:

Bolalarning bog’langan nutqi rivojlanadi.

Bolalarning asarni qayta hikoya qilish malakasi oshadi.

Kerakli jihozlar:

“Ortiqchasini top” o’yini uchun kartochkalar

Mashg’ulotning borishi.

Tarbiyachi: bolalar, mehnatsevarlik qanday odat?

To’g’ri, mehnatsevarlik - eng yaxshi odat. Agar siz uyda ota-onangizga yordam bersangiz, bajarayotgan ishingizni toza qilib, sabr bilan oxiriga etkazsangiz, qilgan ishingiz sizga quvonch olib keladi. Bajargan ishingizdan ota-onangiz xursand bo’lib, sizga o’z minnatdorchiliklarini bildiradilar. O’zingiz ham qilgan ishingizning kattalarga foydasi borligini bilib, kattalarga yoqqanligini sezib, sevinib ketasiz. “Mehnat – mehnatning tagi rohat”- deganlari shu.

Agar ota-onangizga yordam bersangiz, siz bilingki mehnatsevar, odobli bola ekansiz. Mehnatsevar, kattalarga yordam beradigan bolalar odobli bolalar hisoblanadilar.

Bolalar, mehnat haqida qanday maqollarni bilasiz?

1. Mehnat mehnatning tagi rohat.

2. Mehnat baxt keltirar.

Hozir men sizga mehnatkash bolari haqida hikoya o’qib beraman. Diqqat bilan eshiting.

Tarbiyachi hikoyani ifodali qilib o’qib beradi.

Asar bo’yicha savollar beriladi.

1. Pashsha ariga qanday maslahat beribdi?

2. Ari pashshaga nima uchun tanbeh beribdi?

3. Odamlar nima uchun arini boqadilar?

4. Bolari qanday hasharot? Pashsha-chi?

Tarbiyachi hikoyani yana bir bor o’qib beradi. So’ngra 5-6 bolani hikoyalari tinglanadi.

Hikoyani rollarga bo’lib hikoya qildirish mumkin.

Tarbiyachi she’rni o’qib turadi. Bolalar harakatni bajaradilar.