Мактабгача бошланғич ва махсус таьим кафедраси

Тақризчи: доцент Б.Бўрибоев
А.Қодирий номли Жиззах давлат педагогика институти Жисмоний маданият факультети 920-15-гурух талабаси Ўразалиева Махлиёнинг “Миллий курашда орқадан чалиш усулини ўргатиш техникаси ва тактикаси” мавзусида ёзган битирув малакавий ишига ўқитувчи Ш.Атамуродов томонидан
ТАҚРИЗ

Ўзбек халқининг минг йиллар давомида яратган, авлоддан-авлодга ўтиб келаётган ижод бойликларини тўплаш, ўрганиш, бу бой хазиналар асосида ёш авлодни маънавий бой, ахлоқий пок, жисмоний баркамол қилиб тарбиялаш бугунги куннинг долзарб масалаларидан биридир.

Бу эса ёш авлодни соғлом ва баркамол қилиб тарбияловчи жисмоний маданият олдига катта маъсулиятли вазифалар қўяди. Ёш авлодни жисмоний бақувват қилиб тарбиялашга имкон берадиган, уларнинг жисмоний сифатларини ривожлантиришига қаратилган жисмоний маданиятини миллийлаштиришига, бунда халқимизнинг унитилиб бораётган миллий ўйинларини тўплаш, ҳаётга-мактабга тадбиқ этиш, ривожлнтириш йўллари ва усулларини қайта кўриб чиқиш заруриятини келтириб чиқаради.
Ўразалиева Махлиёнинг “Миллий курашда орқадан чалиш усулини ўргатиш техникаси ва тактикаси” мавзусидаги битирув малакавий иши айнан юқоридаги ҳолатларни ўз ичига қамраб олган. Ўразалиева Махлиёнинг битирув малакавий иши кириш, 3 боб, 8 та бўлим, хулосалар, фойдаланилган адабиётлар рўйхатидан иборат.
Битирув малакавий ишида миллий курашдаги тренировка тузилмаси, курашчининг махсус жисмоний тайёргарлик воситалари, ёш курашчиларнинг мусобақа фаолиятида орқадан чалиш усулини самарадорлигини тахлил қилиш, ўргатиш техникаси ва тактикаси тўғрисида батафсил маълумотлар келтирилган.
Ўразалиева Махлиё битирув ишини ёзишда ютуқлар билан биргаликда камчиликларга ҳам йўл қўйган. Ишда айрим орфографик хатоликлар мавжуд. Ушбу камчиликлар битирув малакавий иши қийматини пасайтирмайди. Аммо шунга қарамасдан Ўразалиева Махлиё ўз ишида ижобий натижаларга эриша олган. Ўразалиева Махлиё томонидан ёзилган битирув малакавий ишини химояга тавсия этаман.