Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.
Тарбиячи: Болажонлар, ҳар бирингизнинг олдингизда конвертлар бор, мана шу конвертларни очиб қаранг ичида нима бор экан? Тўғри, конвертларда олмалар бор. Чап томонингизга битта олма қўйинг ўнг томонингизга 2 та олма қўйинг. Энди уларни қўшиб сананг, олмалар нечта бўлди? Тўғри олмалар 3 та бўлди.
Ҳозир мен сизларга яна бир конверт бераман. Бу конвертнинг ичида нима бор экан, болажонлар? Тўғри, сонлар ва қўшув, тенг белгилари бор. 1 рақамини олиб битта олма турган чап томонга қўйинг, ундан кейин қўшув белгисини қўямиз, энди 2 та олма турган ўнг томонга 2 рақамини қўямиз ва ундан кейин тенг белгисини қўямиз. Энди 1 га, 2 кини қўшсак неча бўлади? Тўғри, 3 бўлади. 3 рақамини тенг белгисидан кейин қўямиз.
Амалий иш шу тартибда давом этади.
Билимларни мустаҳкамлаш учун ўйин: «Қўшсам неча бўлади?»
Болалар 2 гуруҳга бўлиниб турадилар. Бошларига 1 дан 10 гача рақамлар ёзилган тож кийиб оладилар. Биринчи гуруҳ ички доирани ҳосил қилади, иккинчи гуруҳ ташқи доирани ҳосил қиладилар. Тарбиячининг ишораси билан болалар доирани бузмай юрадилар, тарбиячи тўхтанг деганда тўхтайдилар, ички ва ташқи доирадаги болалар бир-бирларининг қўлларини ушлаб оладилар ва иккаласининг тожидаги сонни қўшса неча бўлишини айтадилар. Тўғри натижалар чапак чалиб олқишланади. Қўшишга қийналишса ҳамма биргаликда санаб ёрдам беради.
Болалар билимини текшириш ва мустаҳкамлаш учун саволлар:
1. Мафтунанинг 3 та олмаси бор эди, унга онаси яна 2 та олма берди.
Мафтунанинг олмалари нечта бўлди?
2. Менинг ўнг қўлимда 6 та чап қўлимда 4 та тугма бор. Уларни
қўшиб юборсам ҳаммаси нечта бўлади?
3. Қўшув белгисини нечта чўпдан ҳосил қилиш мумкин?
4. Тенг белгисини нечта чўпдан ҳосил қилиш мумкин?
5. Қўшув ва тенг белгиларини бир-биридан қандай фарқлаш мумкин?
Фаолият якунида болалар рағбатлантирилади.


Геометрик шакллар
Мавзу: Шакллардан шакллар ясашни ўргатиш
Мақсад:

• 
  Болаларнинг турли шакллардан, мантиқан фикрлаш орқали бошқа шакллар ҳосил қила олиш малакасини ривожлантириш.