Мактабдаги ўсмирларнинг эҳтиёжларини, шунингдек, мактаб муҳитига боғлиқ омиллар, руҳий саломатлиги ва фаровонлигига таъсир қилувчи омилларни ҳар томонлама ўрганиш

“Мактабдаги ўсмирларнинг эҳтиёжларини, шунингдек, мактаб муҳитига боғлиқ омиллар, руҳий саломатлиги ва фаровонлигига таъсир қилувчи омилларни ҳар томонлама ўрганиш бўйича кенг қамровли тадқиқот” мавзусидаги Самарқанд вилояти Самарқанд шаҳри 65- сонли мактабда психологлар, инспектор-психологлар ва ёшлар етакчилари билан Фокус гуруҳ муҳокамаларида бажарилган ишлар
ҲИСОБОТИ
Самарқанд шаҳри 25-апрел 2022 йил

1. 
   ГУРУҲ
   

Психологлар, ёшлар етакчиси ва инспектор психологлар.


ФГМ да иштирок этган мактаб психологлари, инспектор-психологлар, ёшлар етакчиси ва тиббиёт ходимлари рўйхати

№	Ф.И.О	Манзили	Ёши
1	Камалов Зоир Хакимович	Тошкент М.Ф.Й.	31
2	Маликова Зилола Уткуровна	Панжоб М.Ф.Й.	28
3	Зулхонова Ойсара Лочин қизи	Мотрит М.Ф.Й.	36
4	Боқораев Бунёд Каримович	Пулимуғоб М.Ф.Й	28
5	Салоҳиддинова Зарина Алишер қизи	Сарбадорлар М.Ф.Й	37
6	Жамилов Достон Паҳлавон ўғли	Эски ҳазора М.Ф.Й.	28
7	Тўйчиев Шерхон Шуҳрат ўғли	Чилустун М.Ф.Й	26
8	Мажидов Ўлмас Абдухалилович	Сиёбча М.Ф.Й	29
9	Каримов Сардор Убайдулла ўғли	Лахути МФЙ	27

КИРИШ

1. 
   Тажрибангизга асосланиб, сиз ишлаётган мактаблардаги болалар ва ўсмирлар қандай руҳий саломатлик муаммоларига дуч келишади? Йилнинг қайси фасллари/лаҳзаларида бу муаммолар кўпроқ учрайди?
   

1-иштирокчи- агар биз бефарқ бўлсак уларни интернет тортиб кетяпти. Бунда бизни кучимиз етмайди, бунда хамма биргаликда ишлаш талаб этилади. Айримлар ўтиш даврида, уларни хозир ушлаб қолсак марра бизники бўлади.
9-иштирокчи- фасл ёки давр билан боғлиқлигида одатда иш мавсуми муҳим аҳамиятга эга. Айримлар чет элга кетиши натижасида бола назоратсиз қоляпти. Мактаб очиқ, ўқув йили пайти унча қийналмаймиз. Лекин таътил пайтида, ёзги мавсумда уларни бўш вақти кўпаяди ва биз жуда кўп ишлашимизга тўғри келади. Фасл бевосита болага боғлиқ бўлмасада, ота-оналарни мавсумий иши уларга ҳам таъсир қиляпти. Лекин шаҳар жойларда бундай ҳолат йўқ.
Кейин телефон ҳам уларни руҳий ҳолатига жиддий таъсир қилади. Хозир барчасида телефон бор.