Макроиқтисодий барқарорликни таъминлашда бюджет-солиқ сиёсати мундарижа

2.6-расм. Давлат бюджети кўрсаткичларининг бажарилиш даражаси, фоизда.

Ўзбекистон Республикаси Молия вазирлиги маълумотлари

Бунда даромад тушумари бўйича режа кўрсаткичларини оширилиб бажарилаётганлиги ва шунингдек, бюджет ижросининг ғазначилик тизимининг самарали фаолияти натижасида бюжет маблағларини максимал даражада иқтисод қилинаётганиги муҳим ўрин эгаллайди. 2012 йилда давлат бюджети ижросининг ғазначилик тизимини босқичма-босқич жорий этиш бўйича исоҳотлар давом эттирилди. Хусусан, 2012 йилда барча даражадаги ҳудудий ғазна ҳисоб варақлари ўрнига ягона ғазна ҳисоб варағи жорий этилди. Бу, ўз навбатида, давлат молияси тизимидаги барқарорлик таъминланишига таъсир этувчи асосий омил бўлиб хизмат қилмоқда.

2.3. Солиқ тизимини макроиқтисодий самарадорликка таъсири таҳлили
Мамлакатимизда солиқ тизимини такомиллаштириш, солиқларнинг рағбатлантириш функциясини кучайтириш, солиқ ставкаларини пасайтириш борасидаги чора-тадбирлар натижасида давлат бюджетига солиқ тушумлари кўпайиши билан бирга иқтисодиётга солиқ юки пасайди.
Солиқ сиёсати макроиқтисодий барқарорлик ва барқарор иқтисодий ўсишни таъминлаш, иқтисодиётда тузилмавий ўзгаришларни амалга ошириш, ташқи иқтисодий фаолиятни эркинлаштириш ва аҳоли моддий турмушининг мунтазам яхшилашиб бориши мақсадларини кўзлаб амалга оширилмоқда.
Шу йилларда давлат солиқ сиёсати иқтисодиётда солиқ юкини янада камайтириш, солиқ солиш тартибини соддалаштириш, солиқ маъмурчилигини такомиллаштиришга йўналтирилди.
Иқтисодиётни эркинлаштириш, инвестицияларни ва тадбиркорлик фаолиятини рағбатлнтириш учун солиқ имтиёзларини жорий этиш, солиқ ставкаларини камайтириш натижасида солиқ базаси кенгайди, оқибатда бюджетга солиқ тушумлари кўпади, даромадлар таркибида ижобий силжишлар рўй берди.
Кейинги йиллардаги солиқ сиёсатининг асосий йўналишларида солиқ юкини мунтазам камайтириб бориш тенденцияси кузатилиб келинмоқда, ўз навбатида, ушбу ҳолат 2017 йилда кам кузатилди ва иқтисодиётга ижобий таъсир этди.
2.7-расм маълумотларидан кўринадики, солиқ юки даражаси Республикамизда изчиллик билан камайиб бормоқда. Агар ушбу кўрсаткич 2009 йилда ЯИМга нисбатан солиқ юки 22,5 % ни ташкил этган бўлса, 2010 йилга келиб 0,6 фоиз пунктга камайиб 21,9 %ни ташкл қилди.