Makroiqtisodiy tahlil va prognozlashtirish

Mavzuning maqsadi: Bugungi kunda ishsizlik va inflatsiya faoliyati yo’lida mamlakatimizda qanday amaliy ishlar olib borilayotganligini tahlil qilib, ularga tasir etuvchi omillar hamda qarshi ko’rashish va ularni bartaraf etish, mamlakatimizning makroiqtisodiy ko’rsatkichlari asosida tahlil va prognozlash o’tgazish hamda o’zimning shaxsiy xulosa va takliflarimni keltirib o’tish.
Kurs ishi mavzuning vazifalari: Yuqoridagi aytib o’tgan barchasiga erishish maqsadida quyidagi ketma ketlikda bajariladigan vazifalarni o’z oldimga maxsad qilib oldim:
 Dastlab kurs ishi mavzusi (ishsizlik va inflatsiya) mohiyati va omillarining o’rganish;
 O`zbekistonda ishsizlik va inflatsiya jarayonlari darajasining tahlil va prognozlash;
 Mavzu bo’yicha o’zimning taklif va xulosalarimni berish
Mavzuning tarkibiy tuzilishi. Kirish, 4 ta reja, xulosa va foydalanilgan adabiyotlar.

1.Makroiqtisodiyotda ishsizlik va inflatsiya jaryonlarining iqtisodiy mazmuni hamda ahamiyati
Iqtisodiyotning samarali amal qilishiga mamlakatdagi ishsizlik darajasi muhim ta’sir ko‘rsatadi.
Ishsizlik - mamlakatdagi mavjud ishchi kuchi bir qismining
foydalanilmay qolishini namoyon etuvchi ijtimoiy-iqtisodiy hodisa. Mehnatga layoqatli bo‘lib, ishlashni xohlagan ishchi kuchining ish bilan ta’minlanmagan qismi ishsizlar deyiladi. Namoyon bo‘lish xususiyati va vujudga kelish sabablariga ko‘ra ishsizlik friksion, tarkibiy, siklik, institutsional, texnologik, regional, yashirin
va turg‘un ishsizlik turlariga bo‘linadi.
Kishilar turli sabablar (yangi yashash joylariga ko‘chib o‘tish, ishining mazmuni va tavsifi yoqmay qolishi, nisbatan yuqoriroq ish haqi olishga intilish va boshqalar)ga ko‘ra o‘z ishlarini almashtirib turadilar. Biroq, bir ishdan bo‘shab, boshqa biriga joylashgunga qadar orada ma’lum vaqt o‘tadi (ba’zi adabiyotlarda bu muddat 1 oydan 3 oygacha davom yetishi ko‘rsatiladi). Aynan shu vaqt oralig'idagi, ya’ni bir ishdan bo‘shab yangi ishga joylashgunga qadar bo‘lgan davrdagi ishsizlik friksion (oraliq) ishsizlik deyiladi.
Tarkibiy ishsizlik friksion ishsizlikka qaraganda uzoqroq davom etadi hamda ko‘proq ma’lum xarajatlarni taqozo etadi. Uning uzoq muddat (odatda 6 oydan ko‘proq) davom etishi yangi kasb turini o‘zlashtirish yoki malaka oshirish bilan, ma’lum xarajat talab qilishi esa, eski kasb turi bilan shug‘ullanish istagi saqlanib qolgan holda, yashash joylarini o‘zgartirish bilan bog‘liq bo‘ladi. Friksion va tarkibiy ishsizlik, iqtisodiyotdagi rivojlanishning har qanday holatidan qat’iy nazar, ma’lum darajada barcha mamlakatlarda mavjud bo‘ladi. Shunga ko‘ra, friksion va