Maket Akusherlik 2013. pmd

KO‘ZGULAR YORDAMIDA TEKSHIRISH

O‘quvchilar bajarishi kerak:

– homilador ayollarni ko‘zgular yordamida tekshirishni.

---

405

Kerakli asbob-anjomlar: 

ginekologik kreslo, steril kleyonka,

tavaqali yoki qoshiqsimon ko‘zgu, yassi ko‘targich, rezina qo‘l-

qop, 0,5% li xloramin eritmasi solingan idish va biks.

Muolajaning bajarilishi:

1. Hamshira qo‘lini yuvib zararsizlantirgach, ikkala qo‘liga re-

zina qo‘lqop kiyadi.

2. Ginekologik kresloga steril kleyonka to‘shaladi.

3. Homilador ayol yechingan holda ginekologik kresloga yot-

qiziladi.

4. Hamshira o‘ng qo‘liga qoshiqsimon ko‘zguni oladi.

5. Chap qo‘lning ko‘rsatkich va bosh barmog‘i bilan jinsiy

lablar ochiladi.

6. Ko‘zgu qinning orqa devoriga joylashtiriladi va oraliq salgina

bosib turiladi.

7. Orqadagi ko‘zguga parallel holda qinning oldingi devoriga

yassi ko‘targich ko‘zgu kiritiladi va qinning oldingi devori ko‘ta-

riladi.

8. Ko‘zgu kiritilgandan so‘ng, bachadon bo‘yni va kanalining

tashqi teshigi yaxshilab ko‘zdan kechiriladi.

9. Ko‘zgularni qindan chiqarib olishda qin devori, shilliq par-

daning rangi, burmalariga e’tibor beriladi.

10.  Ko‘zgular qindan chiqarilib, 0,5% li xloramin eritmasida

5 daqiqa zararsizlantirilgach, yuvib quritiladi va biksga joylanib ste-

rilizatsiyaga jo‘natiladi.

Eslatma: 

qinni ko‘zgular bilan tekshirishda tavaqali, qoshiqsi-

mon va silindrik ko‘zgulardan foydalaniladi.