Maket Akusherlik 2013. pmd

PLATSENTADA SUV-HAVO SINAMASINI O‘TKAZISH

Maqsadi:

Platsentaning butunligini aniqlash.

O‘quvchi bilishi kerak:

1. Tug‘riqni III davri va uni boshqarishni.

2. Yo‘ldoshning ajralganlik belgilari va ularni aniqlashni.

O‘quvchi bajarishi kerak

:

Platsentada suv-havo sinamasi o‘tkazishni.

Kerakli asbob-anjomlar:

Tog‘ora, suv, rezina nokcha, Jane shprisi.

Muolajaning bajarilishi:

1. Katta tog‘oraga 3–4 l miqdorida suv solinadi.

2. Ajralib chiqqan platsenta kindik va pardalari bilan tog‘o-

radagi suvga tushiriladi.

3. Kindik tizimchasining uchidan Jane shprisi yoki rezina

«nokcha» bilan havo yuboriladi.

4. Havo yuborilayotgan vaqtda platsenta butun bo‘lsa suvning

yuziga qalqib chiqadi.

5. Platsenta butun bo‘lmasa, ya’ni platsentaning biror qismi

yoki bo‘lakchalari bachadon bo‘shlig‘ida qolib ketgan bo‘lsa, plat-

senta suvning tagida turaveradi va suvning yuziga havo pufakchalari

chiqadi.

6. Kindik tizimchasidan shpris chiqariladi.

---

403

7. Platsentani suvdan olinib kuydirish uchun krimatoriyga

yuboriladi.

Eslatma:

1. Sinama musbat – platsenta tog‘oraning tagida turadi, suv

yuzida havo pufakchalari paydo bo‘ladi, demak, platsenta butun

emas.

2. Sinama manfiy – platsenta suv yuziga qalqib chiqadi, havo

pufakchalari bo‘lmaydi, demak platsenta butun.