Maket Akusherlik 2013. pmd

Chilladagi septik kasalliklarning oldini olish (profilaktika)

.

Chilladagi septik infeksiyaga qarshi kurashda profilaktika asosiy va

hal qiluvchi rol o‘ynaydi.

Chilladagi septik infeksiyaning oldini olish ayollar maslahat-

xonalari va, ayniqsa, tug‘ruqxonalarning ishini tashkil etishda hal

qiluvchi asosiy tamoyildir. Homilador ayol organizmini mustah-

kamlaydigan hamma choralar (ovqat, to‘g‘ri rejim, badanni toza

tutish), barcha infeksiya o‘choqlarini o‘z vaqtida aniqlash va bartaraf

qilish, homilador ayolni infeksiya yuqqan bemorlardan uzoq tu-

tish chilladagi septik kasalliklarning oldini olishga yordam beradi.

Tug‘ruqni boshqarganda aseptikaga qat’iy rioya qilish, chilla davrida

ayolni to‘g‘ri parvarish qilish, tibbiyot xodimlarining shaxsiy gi-

giyenaga rioya qilishlari, tug‘ib isitmalayotgan ayollarni sog‘lom

ayollardan ajratib qo‘yish g‘oyat katta ahamiyatga egadir. Homila-

dor ayollarga stafilokokk anatoksinini emlab immunlash septik

kasalliklarning oldini oladi.

Tug‘ruqda travmatizmga qarshi kurash, qon ketishiga yo‘l qo‘y-

maslik va ayol organizmining chidamini kamaytiradigan boshqa

ko‘ngilsiz hodisalarning oldini olish muhim rol o‘ynaydi.

Homilador va tuqqan ayollar o‘rtasida sanitariya maorifi ishini

olib borish chilladagi kasalliklarning oldini olish uchun muhim

shartdir.