Maket Akusherlik 2013. pmd

2. Homila boshini chiqarish. 

Ensa tug‘ilib, ensa osti chuqur-

chasi (fiksatsiya nuqtasi) simfizning pastki chekkasiga tayangan

vaqtda tug‘uvchi 

ayolning kuchanishiga ruxsat etilmaydi. 

Shu

paytdan boshlab homilaning butun boshi chiqarilguncha tug‘uvchi

ayol og‘zi bilan nafas oladi, qo‘llarini ko‘kragiga qo‘yib turadi. Bir

maromda og‘izdan chuqur nafas olish to‘lg‘oqni to‘xtatib turishga

yordam beradi. Kuchanish nima uchun yaramasligini va akusher-

ning buyruqlarini bajarish zarurligini tug‘uvchi ayolga oldindan

tushuntirib qo‘yish kerak.

Ensa do‘mbog‘i chiqqach tepa

do‘mboqlar tug‘ruq yo‘llaridan

chiqariladi, vulvar halqaning yon

chekkalari tepa do‘mboqlardan

avaylab tushiriladi. Shundan keyin

homila boshi chap qo‘l bilan ush-

lanadi va sekin-asta avaylab yoziladi;

bosh yozilayotgan vaqtda oraliq

to‘qimalari homila boshidan o‘ng

qo‘l bilan tushiriladi (84-rasm).

Bosh sekin-asta yozilganda avval pe-

shanasi, so‘ngra yuzi va engagi ora-

liq ustidan ko‘rinadi. Homila boshi chiqqach, bo‘yniga kindigi

o‘ralgan-o‘ralmaganligi tekshiriladi. Kindik o‘ralgan bo‘lsa, qo-

vuzlog‘idan avaylab tortib, boshi orqali bo‘ynidan olinadi. Kindik-

ni bo‘yindan olish mumkin bo‘lmasa, ikki qisqich orasiga olib

kesiladi.