Maket Akusherlik 2013. pmd

PARTNYORLIK (HAMKORLIK) TUG

‘

RUG

‘

I

Keyingi yillarda homilador ayollarda tug‘ruqning bexatar

o‘tishini ta’minlash maqsadida ularni ruhiy qo‘llab-quvvatlash

uchun uning yaqin qarindoshlaridan birining (eri, onasi, opasi,

singlisi yoki yaqin dugonasi) tug‘ruq paytida tug‘uvchi ayol bilan

birga bo‘lishiga tegishli shart-sharoitlar yaratib beriladi.

Partnyorlik tug‘ruqlarini olib borishda doyaning roli butun

tug‘ruq jarayonida tug‘uvchi ayolni jismonan va ruhan qo‘llab-quv-

vatlab turishdan iborat bo‘ladi. Tug‘ruq vaqtida doya tug‘uvchi ayolni

o‘tkazilayotgan muolajalar va tibbiy tekshirishlar natijalari bilan

tanishtirib borishi, tug‘ruq jarayonining rivojlanishi va tug‘ruqning

kutilayotgan vaqti haqida ma’lumot berib borishi lozim.

Tug‘ruq vaqtida tug‘uvchi ayolning yaqin qarindoshlaridan

birining (eri, onasi, oilasi va h.k. doya bilan birgalikda) ishtiroki

tug‘ruq rivojlanishi va natijasiga, onaning tug‘ruqdan keyingi adap-

tatsiyasiga, ona va bolaning o‘zaro munosabatiga, ko‘krak bilan

ovqatlantirishga va oilaviy munosabatlarga ijobiy ta’sir ko‘rsatadi. Bu

holat tug‘ruq davomiyligini va kesar kesish operatsiyasini sezilarli

darajada kamaytiradi, og‘riqsizlantirish vositalarining qo‘llanilishini

kamaytiradi, chaqaloqqa tez tibbiy yordam muolajalarini qo‘llashni

qisqartiradi. Chaqaloqni ko‘krak bilan ovqatlantirishga va uning

ahvolining yaxshilanishiga ijobiy ta’sir ko‘rsatadi.