Maket Akusherlik 2013. pmd

Ichak funksiyasi. 

Chilla davrida ko‘pincha ich kelmay qoladi

(qabziyat), bu esa ichak atoniyasiga bog‘liq. Qorin pressining

bo‘shashuvi, turmasdan o‘rinda yotish, shu munosabat bilan hara-

kat cheklanganligi ichak atoniyasiga sabab bo‘ladi.

Tuqqan ayollarda ba’zan gemorroidal tugunlar (bavosil) paydo

bo‘ladi, bular odatda aytarli bezovta qilmaydi. Gemorroidal tugun-

lar qisilganda kattalashib, bezillab turadi, ayniqsa defekatsiya vaqti-

da og‘riq seziladi.

CHILLA DAVRINI BOSHQARISH

Chilla davri normal o‘tsa, tuqqan ayolni sog‘lom deb hisoblash

kerak. Ammo u maxsus rejimga muhtoj bo‘ladi, bu rejim jinsiy

a’zolar involutsiyasining to‘g‘ri borishiga, jarohat yuzalarining bit-

ishiga va organizmning normal funksiyasiga yordam beradi.

Tuqqan ayolni parvarish qilishda 

aseptika va antiseptika qoi-

dalariga 

rioya qilish ayniqsa muhim ahamiyatga egadir. Bachadon-

ning jarohat yuzasi, tug‘ruq yo‘llaridagi yumshoq to‘qimalarning

chaqalangan, yorilgan va yirtilgan joylaridan organizmga infeksiya

kirishi mumkin. Modomiki shunday ekan, tuqqan ayolning jinsiy

yo‘llariga infeksiya kiritishi chilla davrining septik infeksiyasi avj

olishi nuqtayi nazaridan katta xavf tug‘diradi. Tuqqan ayollarning

ko‘pincha emchak uchlari yoriladi, unga infeksiya kirishi ham xavfli.

Emchak uchining yorilgan joylaridan infeksiya kirishi natijasida sut

bezi yallig‘lanadi (mastit).

Shunday bo‘lgach, chilla davrida palata, o‘rin-bosh va barcha

parvarish buyumlarini g‘oyat ozoda tutish alohida muhim aha-

miyatga egadir. Tuqqan ayolning jinsiy a’zolariga va sut bezlariga

uriladigan hamma asboblar, material va parvarish buyumlari steril

bo‘lishi kerak. Tuqqan ayollarning tagini tozalaganda qo‘lni sin-

chiklab yuvib, dezinfeksiya qilish va niqob tutish talab etiladi. Tib-

biyot xodimlari shaxsiy gigiyenaning hamma qoidalariga rioya qi-

lishlari zarur.