Maket Akusherlik 2013. pmd

TUG

‘

RUQDAN OLDINGI BO

‘

LIM VA TUG

‘

RUQ

BO

‘

LIMINING ASBOB-ANJOMLARI

Tug‘uvchi ayol bachadon bo‘yni ochiladigan davrning bo-

shidan oxirigacha tug‘ruqdan oldingi bo‘limida yotadi, homilaning

tug‘ilish davri boshlangach, tug‘ruq bo‘limiga ko‘chiriladi. Kichkina

tug‘ruq bo‘limlarida aksari tug‘ruqdan oldingi bo‘lim yo‘q, shuning

uchun tug‘uvchn ayol to‘g‘ridan to‘g‘ri tug‘ruq bo‘limiga olib

kelinadi.

Tug‘ruqdan oldingi bo‘lim va tug‘ruq bo‘limi juda ham ozoda

tutiladi, ularda tug‘ruqni boshqarish uchun zarur asbob-anjomlar

bo‘ladi, xolos; ortiqcha buyumlar qat’iy sanitariya-gigiyena rejimini

amalga oshirishga xalal beradi.

Tug‘ruqdan oldingi bo‘limda oddiy krovatlar, dori shkaflari

(ularda og‘riq qoldiruvchi, yurakni quvvatlovchi, qon to‘xtatuvchi,

dezinfeksiyalovchi va boshqa dorilar turadi), asboblar shkafi, kro-

vat yonidagi stolchalar, tug‘ruq tarixini yozish uchun stol, steril

material uchun taglik, qo‘l yuvish vositalari (sovun, cho‘tka,

suv) bo‘ladi.

Tug‘ruq bo‘limida tug‘ruq krovatlari, steril material va asboblar-

ni qo‘yish uchun ko‘chma stolchalar, yangi tug‘ilgan bolani

yo‘rgaklash stolchasi, bolalar tarozisi va rostomer, tug‘ruq tarixini

to‘ldirish stoli, steril material turadigan bikslar uchun tagliklar,

dezinfeksiyalovchi moddalar turadigan idishlar bor. Tug‘ruqdan

oldingi bo‘lma yo‘q bo‘lsa, dorilar va asboblar saqlanadigan shkaf-

lar tug‘ruq bo‘lmasida turadi.

Tug‘ruq bo‘lmasida yurakni quvvatlaydigan dorilar (kofein,

kamfora, kardiazol va hokazo), qon to‘xtatuvchi dorilar (ergotin,

pituitrin, oksitotsin va hokazo), og‘riq qoldiradigan dorilar (ayrim

shkafda saqlanadi), yangi tug‘ilgan bolalarni oftalmoblenoreyadan

saqlash uchun 1% eritromitsin mazi, spirt, yod, dezinfeksiyalov-

chi moddalar doim bo‘lishi lozim.

---

155

Kindikni qirqadigan steril qaychilar, kindik qoldig‘ini bog‘lay-

digan ligaturalar, shprislar, steril material, fiziologik eritma va

Bobrov apparati, asfiksiya holatida tug‘ilgan bolaga yordam berish

vositalari (vannachalar, sovuq va issiq suv, shilimshiqni tortib olish

uchun nok shaklidagi rezina ballon va hokazo) hamisha tayyor

turishi kerak.