Maket Akusherlik 2013. pmd

Sulfasalitsilat kislota bilan tekshirish. 

Probirkaga filtrlangan

siydikdan 4–5 ml quyib, sulfasalitsilat kislotaning 20% li erit-

masidan 8–10 tomchi qo‘shiladi. Siydikda oqsil bo‘lsa, durda-dur-

da cho‘kma yoki loyqa hosil bo‘ladi.

6. Tug‘uvchi ayollar ichaklarini tozalash maqsadida, albatta

huqna qo‘yiladi, ayol tug‘ruqqa homilaning tug‘ilish davrida kel-

gandagina huqna qilinmaydi. Huqna uchun qaynatib, uy harorati-

gacha sovutilgan suvdan 3–4 stakan olinadi, tug‘uvchi ayol chap

yoni bilan yotadi. Uchlik steril bo‘lishi kerak. Foydalanilgan uch-

liklar yuviladi, qaynatiladi va yangidan ishlatilguncha xloramin

eritmasida saqlanadi.

Tug‘uvchi ayol hojatxonaga kirganda unga akusher yoki sanitar

qarab turishi kerak, chunki ayol kuchanganda homilasi tug‘ila

boshlashi mumkin.

7. Ayolning ichaklari bo‘shatilgandan keyin qo‘l-oyoq tirnoqlari

kalta qilib olinadi, sochi sinchiklab tekshiriladi. Boshi sovunlab

yuviladi.

8. Tug‘uvchi ayol dushda yuvinadi, vannaga tushish taqiqlanadi,

chunki ifloslanib mikroblar aralashgan suv qinga ketib qolishi

---

154

mumkin. Dush bo‘lmasa, tug‘uvchi ayol obdastada boshidan suv

quyib yuvintiriladi. Tug‘uvchi ayol dushdan chiqqach toza choy-

shabga artinib, toza ko‘ylak, xalat kiyadi, kosinka bog‘lab oladi va

tug‘ruqdan oldingi bo‘lmaga olib boriladi. To‘lg‘oq boshlangan

bo‘lsa, tug‘uvchi ayolni akusher g‘ildirakli stolda (katalkada)

to‘ppa-to‘g‘ri tug‘ruq zaliga olib boradi.