Макаров пистолети ўҚув-услубий қЎлланма

ПИСТОЛЕТНИ ТОЗАЛАШ ВА МОЙЛАШ
Пистолетнинг доимо тоза ва соз ҳолда бўлишига уни ўз вақтида ва тўғри тозалаш ҳамда мойлаш, у билан эҳтиёткорона муносабатда бўлиш ва тўғри сақлаш орқали эришилади.
Пистолетни тозалаш қуйидагича амалга оширилади

• 
  жанговар вазиятларда, манёврларда ва узоқ ўқув машқларида – ҳар куни жанг тўхтаган вақтда ёки машғулотлар оралиғидаги танаффусларда;
  
• 
  ўқ отишсиз машқлардан, нарядлардан ва дала машғулотларидан кейин – машқлар, нарядлар ва машғулотлар тугаши биланоқ;
  
• 
  отишдан кейин – ўқ отиш тугаши билан (ўқ отиш майдонида, тирда, далада) ишқорий таркиб билан ствол канали тозаланади, кейин қуруқ қилиб артилади ва мойланади; отишдан қайтиб
  
• 
  келинганидан кейин пистолетни тўлиқ тозалаш амалга оширилади; кейинги 3–4 кун мобайнида пистолетни тозалаш такрорланади;
  
• 
  агарда пистолет ишлатилмаётган бўлса, ҳар етти кунда бир марта тозаланиши керак.
  

Пистолет тозалангач мойланади.
Мой фақат металлнинг яхши тозаланган ва қуриқ юзасига, зудлик билан, намлик таъсир ўтказмасидан олдин суртилади.
Пистолет тозалаш фақат бўлинма командирлари бошчилигида тозаланади. Офицерлар вақти- вақти билан қупол тозаланаётган пайтларида ҳозир бўлишлари ва унинг тўғри бажарилаётганини текшириб туришлари лозим.
Лагер ётоқхона, бўлинмаларда пистолет тозалаш фақат махсус жойда амалга оширилади, жанговор ҳолатда ёки ўқув машғулотларида ёйма ёки фанер устида тозаланилади.
Пистолетни тозалаш ва мойлаш учун қуйидагилар қўлланилади:
- суюқ қурол мойи – Пистолетни, унинг қисм ва механизмларини ҳаво ҳарорати +5 дан –50 гача бўлганида тозалаш ва мойлаш учун қўлланилади;
- қурол мойи – ствол канали, қисм ва механизмларни улар тозалангандан сўнг, ҳаво ҳарорати + 5 дан юқори бўлганида қўлланилади;
- РЧС (ствол тозалаш эритмаси) – порох газларининг таъсири остида қолган ствол канали ва ўзга қисмларни тозалаш учун хизмат қилади;
- латта ёки КВ- 22 қоғози - пистолет артиш, тозалаш ва мойлаш учун керак бўлади;
- коноп толаси – фақат ствол каналини тозалаш учун қўлланилади.
Оралиқлар, кесма ва дарчаларни тозалаш қулайлиги учун ёғоч чўпларини ишлатиш мумкин.
пистолетни тозалаш мақсадларида қирувчи материалларни (қум қоғоз, ва ҳ.к.з. қўллаш мумкин).