Макаров пистолети ўҚув-услубий қЎлланма

Пистолетни мойлаш қуйидаги тартибда амалга оширилади:
Ствол каналини мойлаш. Тозалагич тешигидан латта ўтказилади ва унга мой шимдирилади. Тозалагич ствол каналининг уч қисмидан киритилиб, бутун узунлиги бўйича бир неча марта силлиқ ҳаракатлантирилади. Бунда каналнинг кесим ва юзалари юпқа мой билан қопланади. Патрондон стволнинг орқа қисмидан мойланади;
Пистолетнинг бошқа металл қисм ва механизмларини мойлаш. Ташқи қисмлари мой шимдирилган латта билан мойланади. Стволлари, уячалари ҳамда тешиклари мой шимдирилган ва таёқчага ўралган латта ёрдамида мойланади.
Мой юпқа қилиб сурилиши лозим. Ортиқча мойлаш пистолет қисмларининг ифлосланишига ва пистолетнинг ишлашидаги тўхталишларга сабаб бўлиши мумкин;
Мойлаш тугалланганидан кейин пистолет йиғилади, йиғишнинг тўғрилиги ва қисм ҳамда механизмларнинг ишлаши текшириб кўрилади.
Пистолет, қаттиқ совуқдан иссиқ хонага киритилганда қурол қуримагунча, сув томчилари кетмагунча, намлиги йўқолмагунича қисм ва механизмларини мойлаш мумкин эмас.
Пистолет, узоқ муддатга сақлаш топширилганда ствол канали ва зарбдор тепки механизми суюқ қурол мойи билан диққатлик билан тозаланган бўлиб бир қаватли ингибитирланган қағоз билан ва икки қаватли парафинланган қағоз билан ўраб картон қутига солинади.
Пистолетнинг қисм ва механизмлари қишда, +5 °С дан паст температурада фақат суюқ қурол мойи билан мойланади.

ПИСТОЛЕТНИНГ ҚИСМ ВА МЕХАНИЗМЛАРИ, ПАТРОНЛАРИ ВА УСКУНАЛАРИНИНГ ТУЗИЛИШИ ҲАМДА ВАЗИФАЛАРИ

Пистолетнинг қисм ва механизмлари тузилиши ҳамда вазифалари.
Асос стволи ва туширилувчи ҳалқаси билан. Ствол ўқ учишини йўналтириш учун хизмат қилади. Ствол ичида чапдан юқори ва ўнгга қараб чувалиб ўйилган кесмаларга эга канал мавжуд. Ушбу кесмалар ўққа айланма ҳаракат бериш учун хизмат қилади. Кесмалар орасидаги оралиқ масофа майдон деб аталиб, бир-бирига қарама-қарши икки майдон орасидаги масофа ствол калибрини англатади. Ушбу қурол стволининг майдонлари орасидаги масофа 9 миллиметрга тенг. Шу боис ҳам мулоҳаза юритилаётган қурол: “Калибри 9 миллиметрли ПМ русумли Макаров пистолети” деб аталади. Ствол каналининг ортки қисми силлиқ, диаметри ствол каналининг қолган қисмига нисбатан каттароқ бўлиб, ичига патрон жойлашиши учун хизмат қилади ва шунинг учун у патрондон деб аталади. Патрондон ўйиққа эга.