Макаров пистолети ўҚув-услубий қЎлланма

43-расм. Тўртта тешикка қараб ўртача уриш нуқтасини аниқлаш



44-расм. Тўртта симметрик жойлашган тешикка қараб ўртача уриш
нуқтасини аниқлаш

Тешиклар симметрик жойлашганида ўртача уриш нуқтасини қуйидагича аниқлаш мумкин:

а) яқин жойлашган тешикларни жуфтма-жуфт бирлаштирамиз, иккала тўғри чизиқ ўртасини ҳам бирлаштирамиз ва ҳосил бўлган чизиқни тенг иккига бўламиз; мана шу бўлиш нуқтаси ўртача уриш нуқтаси ҳисобланади (44-расм);
б) тешикларни жуфт-жуфти билан хоч шаклида тўғри чизиқлар ёрдамида туташтирамиз; мана шу чизиқлар кесишган нуқта ўртача уриш нуқтаси бўлади (45-расм).

45-расм. Тўртта симметрик жойлашган тешикларга қараб
ўртача уриш нуқтасини аниқлаш

Учта тешикка қараб ўртача уриш нуқтасини аниқлаш учун икки тешикни тўғри чизиқ орқали бирлаштирамиз, бу чизиқнинг ўртасини учинчи тешик билан бирлаштирамиз, янги чизиқни уч тенг бўлакка бўламиз; биринчи чизиққа яқин бўлган нуқта ўртача уриш нуқтаси ҳисобланади (46-расм).

46-расм. Учта нуқта орқали ўртача уриш нуқтасини аниқлаш

Ўртача уриш нуқтасини аниқлагач, командир, унинг назорат нуқтасига нисбатан оғиши катталигини ўлчайди. Ўртача уриш нуқтаси қайси томонга бўлмасин назорат нуқтасидан 5 см дан кўп узоқлашмаслиги керак.

Агар ўртача уриш нуқтаси назорат нуқтасидан 5 см дан кўп узоқлашган бўлса, пистолет қурол техниги (устаси) га нишончани тегишли тарзда силжитиш ёки алмаштириш учун берилади; агар ўртача уриш нуқтаси назорат нуқтасидан баланд ёки паст бўлса, нишонча нисбатан паст (баланд) нишонча билан алмаштирилади; агар ўртача уриш нуқтаси назорат нуқтасидан ўнгроқда ёки чапроқда бўлса, нишонча чапга (ўнгга) сурилади. Нишончанинг баландлигини ошириш (камайтириш) ёки уни ўнгга (чапга) 1 мм га суриш ўртача уриш нуқтасининг ўрнини тегишли томонга 19 см га ўзгартиради.


Изоҳ. Пистолет мушкасини (нилини) эговлаш ман этилади.

Пистолетнинг уриш зичлиги ҳам, ўртача уриш нуқтасининг ўрни ҳам нормал уриш талабларини қониқтирса, пистолетни нормал урадиган ҳолатга келтириш якунланган ҳисобланади. Пистолет нормал урадиган ҳолатга келтирилганидан сўнг нишонча керн ёрдамида маҳкамланади; нишончадаги эски белги ўчирилиб, ўрнига янгиси белгиланади.