Макаров пистолети ўҚув-услубий қЎлланма

ПИСТОЛЕТНИ ЙИҒИЛГАН ҲОЛДА КЎЗДАН КЕЧИРИШ

Пистолетни йиғилган ҳолда кўздан кечиришда қуйидагилар текширилади:

1) пистолет қисмларида занг, ёриқлар ва ботиқларнинг йўқлиги;
қисмларидаги рақамларнинг асосдаги рақамга мос келиши;
2) мўлжалнинг ўқлагичда мустаҳкам ўрнашганлиги;
мўлжалдаги белгининг ўқлагичдаги белгига тўғри келиши;
3) сақлагичнинг бир ҳолатдан иккинчи ҳолатга енгил кўчирилиши ва чекка ҳолатларда ишончли қайд қилиниши;
4) тепки қўйиб юборилганда ва тепки ҳалқаси охиригача орқага босилганда, тепкининг бош қисмидан бармоқ билан босилганда, бош қисми олдинга сурилиши ва бармоқ билан босиш
тўхтатилганидан кейин кескин дастлабки ҳолатига қайтиши;
тепки ҳалқаси қўйиб юборилганда ва тепки бошига босиш тўхтатилганда, тепки сақлагич ҳолатига туриши ва бу ҳолатдан куч билан босилганида ҳам чиқиб кетмаслиги керак.
5) дастакнинг бурама михи қотирилганлиги;
6) асосда туширилувчи ҳалқанинг ишончли ушлаб турилганлиги ва у ўқлагични ажратишда қийшайтирилган ҳолатда туриши;
7) ствол каналида занг қопламаси, ифлосланиш ва бошқа нуқсонлар йўқлиги;
8) магазинда патрон узатгичнинг қаршиликсиз эркин ҳаракатланиши;
9) дастакка магазиннинг ўрнатилиши ва чиқариб олинишидаги носозликларнинг йўқлиги;
10) пистолет қисмлари ва механизмларининг тўғри ишла- шини текшириш учун қуйидаги ишлар бажарилади:
– сақлагич байроқчасини “ўт оч” ҳолатига қўйиш ва ўқлагични охиригача орқага тортиб қўйиб юбориш; ўқлагич олдинга бироз сурилганидан кейин ўқлагич тутқичига тиралган ҳолда, ортки ҳолатда қолиши керак. Ўқлагич тутқичига босилади; ўқлагич қайтарувчи пружина таъсирида кескин олдинга ҳаракатланиб дастлабки ҳолатга қайтади, тепки эса жанговар олат (взвод)да қолади. Тепки ҳалқаси думига босилади: тепки жанговар ҳолат (взвод)дан чиқиб турткичга зарба бериши керак;
– магазин дастакдан ажратиб олинади ва ўқув патронлари билан ўқланади; магазин пистолет дастагига ўрнатилиб, ўқлагич орқага тортиб қўйиб юборилади; бунда ўқлагич қайтарувчи пружинанинг таъсирида олдинга ҳаракатланиб патрондонга патронни олиб бориб жойлаши керак; ўқлагични қайтадан орқага тортилганда, патрон ўқлагич дарчасидан куч билан улоқтирилиши керак;
– сақлагич байроқчаси юқорига с“ақлагич” ҳолатига кўтарилади; бунда тепки жанговар ҳолат (взвод)дан чиқиб, сақлагич бўртиғига зарба бериши ва шу ҳолатда қолиши керак;
шундан кейин ўқлагич беркилиб қолиши ва тепки бошига бармоқ билан босилганда ҳам ёки тепки ҳалқаси босилганида ҳам тепки жанговар ҳолат (взвод)га келмаслиги керак;
Сақлагич байроқчаси “ўт оч” ҳолатига қўйилади ва тепки ҳалқаси думига босилади: бу ҳолда тепки жанговар ҳолат (взвод)га келиши керак, лекин жанговар ҳолда туриб қолмасдан, турткичга зарба бериши керак.
11) сақлагич буралганида хамак кўтарилмасдан олдин сақлагич бўртиғи тепкини тўсиб оладими? Текшириш қуйидаги усулда амалга оширилади.
Тепки жанговар ҳолат (взвод)га қўйилади. Пистолетни стволини пастга қаратган ҳолда, ушлаб туриб ва ўқлагич ботиғидан хамакни кузата бориб, ўнг қўлнинг бош бармоғи билан сақлагич байроқчасини юқорига – хамак кўтарилиши бошлангунга қадар кўтарилади.
Шу йўл билан хамакнинг кўтарилиши бошланган пайтдаги сақлагичнинг ҳолати аниқланиб, ўнг қўлнинг бош бармоғи билан тепкини ушлаб турган ҳолда, кўрсаткич бармоқ билан тепки ҳалқаси босилади ва уни қўйиб юбормасдан, тепки секин олдинги ҳолатга олиб борилади. Бунда тепки сақлагич бўртиғига тиралиши лозим.