Мажидий Иброхимжон

Артериал гипотензия
Ушбу ҳолатда артериал босим, резистив қон-томирлар тонусини тушиб кетишидан юзага келади, бундай холат астеник одамларда, кам ҳаракат ва овқатланиши яхши бўлмаган инсонларда учрайди. Касаллик клиникаси адинамия, тез чарчаш, тахикардия, ҳансираш, бош айланиши, бош оғриғи, ҳушидан кетиш, депрессив ҳолатлар, даврий қўзғалишлар билан намоён бўлади.
Касаллик патогенези, юракнинг систолик ҳажм камайиши, қон-томирларда, қон миқдорини озайиши ва унинг тонусини пасайиши орқали намоён бўлади, шундан унинг учта гемодинамик формаси тафовутланади:
а) уткир артериал гипотензия
б) сурункали симптоматик артериал гипотензия
в) сурункали нейроциркулятор артериал гипотензия
Симптоматик сурункали артериал гипотензия
Турли-туман касалликлар таъсирида: юрак(нуқсон, миокардит, миокард инфаркти), бош мия (кома), ўпка (крупоз пневмания), жигар (гепатит, механик сариқлик), анемиялар, эндокрин касалликлар, экзоген ва эндоген интоксикацияларда келиб чиқади.
Нейроциркулятор артериал гипотензия (бирламчи) патогенезида бош мия пўстлоғидаги зўриқиш ётади (қўзғалиш ва тормозланиш). Бу холатда тормозланиш қўзғалишдан устун келади.
Ушбу гипотензияда холинергик таъсир, адренергик таъсирдан устун келади, натижада қон-томир тонуси пасаяди, ўз навбатида периферик қаршилик ва артериал босимни пасайишига олиб келади.