Махсус таълим вазирлиги мирзо улуғбек номидаги

5) қийноқлар тўғрисидаги хабарлар ҳақида мустақил тергов олиб 
бориш. Давлат қийноқ қўлланилаѐтганлиги ҳақидаги хабарни самарали ва 
объектив тергов қилишни таъминлаб беришга мажбур. Бундай тергов очиқ ва 
ошкора усулда олиб борилиши зарур. Даъвогар ва гувоҳлар тазйиқдан ҳимоя 
қилинишлари даркор;
6) 
қийноққа солиш оқибатида олинган маълумотлардан 
фойдаланишга йўл қўйилмаслиги. Давлат суд ишларида, исбот ва тан 
олиш жараѐнида қийнаш оқибатида олинган ҳар қандай маълумотдан 
фойдаланишни тақиқлаши шарт;
7) қийноқни қонуний йўл билан тақиқлаш. Давлат қийноқнинг 
жиноий жазога сазовор эканлиги юзасидан барча чора-тадбирларни кўриши 
шарт. Халқаро ҳуқуққа мувофиқ қийноқни қўллашга тақиқ ҳеч бир шароитда, 
ҳатто уруш ва бошқа фавқулодда ҳолатларда ҳам тўхтаб қолмаслиги;
8) жиноятчи сифатида тахмин қилинган шахсни таъқиб қилиш. 
Қийноқни қўллаган шахслар жавобгар ҳисобланиб жазоланиши шарт. Ушбу 
принцип қидирилаѐтган жиноятчи жойлашган жиноят содир этилган жойдан, 
жиноятчи ҳамда жабрдийданинг миллатидан қатъи назар, қўлланилиши 
зарур;
9) ўқитиш. Жиноятчиларни қамоққа олиш, уларни сўроқ қилиш ва 
қамоқдаги шахслар билан муносабатда бўлиш фаолияти билан шуғулланувчи 
ҳуқуқни муҳофаза қилувчи органларнинг барча ходимларига қийноқ 
жиноятлиги тўғрисида тушунтиришлар олиб бориш лозим. Шу билан бир 
қаторда, юқорида номлари кўрсатилган ходимлар ҳар қандай қийноқни 
амалга ошириш билан боғлиқ буйруқларни бажармасликлари ҳақида ҳам 
огоҳлантирилиши зарур;

---

100 
10) зарарнинг қопланиши ва реабилитация. Қийноқ оқибатида 
жабр кўрган шахслар зарарнинг молиявий йўл билан қопланиши ҳуқуқига эга 
бўлишлари шарт. Жабр кўрган шахслар зарур тиббий ѐрдам ва реабилитация 
билан таъминланишлари лозим;