Махсус таълим вазирлиги мирзо улуғбек номидаги ўзбекистон

 
 
2. Туркистон ва Ўрта Осиѐ Иқтисодий Кенгашлари 
ҳамда уларнинг фаолияти. 
 
 
«Ҳарбий коммунизм» сиѐсати туфайли совет ҳокимияти 
инқирозли ҳолатга келиб қолган бўлиб, большевиклар бу 
вазиятдан чиқишнинг бирдан-бир йўлини иқтисодиѐтни ҳам бир 
жойдан туриб бошқариш ва тақсимотни ҳам бир жойда амалга 
ошириш зарурлигида деб билдилар. Бу йўналишда большевиклар 

---

299 
раҳбари В.Ленин совет давлати органларининг амалий 
фаолиятини социализм қуриш истиқболига боғлаган ҳолдаги 
ғояларини ишлаб чиқиб, қуйидагича таъкидлади: ―Маҳаллий 
хўжалик органлари ишини мувофиқлаштириш, шунингдек, 
назоратни амалга ошириш учун маҳаллий иқтисодий кенгашлар 
тузиш таклиф этилади. Иқтисодий Кенгашлар маҳаллий 
органларга партия ва ҳукумат кўрсатмаларини, қарор ва 
директиваларини амалга ошириш, жойларда Марказнинг 
назоратини кучайтириш имконини беради‖.
Лениннинг бу кўрсатмаси асосида барча ҳудудларда 
Иқтисодий Кенгашлар тузиш бошланди. Жумладан, 1920 
йилнинг феврал ойида Тошкентда Туркистон Иқтисодий 
Кенгаши (ТИК) – Турк ЭКОСО ташкил этилди. Вилоятларда эса, 
вилоят иқтисодий кенгашлари тузила бошланди.
ТИК раиси Туркистон Марказий Ижроия Қўмитаси 
томонидан тасдиқланиб, ХКС раисининг биринчи ўринбосари 
ҳисобланган. ТИКнинг биринчи раислигига Н.А.Паскуцкий, унга 
ўринбосарлар қилиб эса А.Асаткин ва Шерғозиевлар тайинланди. 
ТИК турли хўжалик тадбирлари, маъмурий назорат вазифаларини 
бажаришда, барча иқтисодий комиссарликлар идоралари билан 
бир қаторда, зарурият юзасидан Туркистон АССР марказий ва 
маҳаллий муассасалар идораларидан фойдаланарди. ТИК ўзига 
берилган ваколатлар ва ҳуқуқлар доирасида ўлка ҳаѐтининг барча 
жабҳаларини ўз назоратига олди.
1921 йил 14 мартда Туркистон АССР МИҚнинг Марказий 
ва маҳаллий иқтисодий органларини бирлаштириш тўғрисидаги 
қарори чиқди. Унда шундай дейилган эди:
1. Туркистон Республикаси Халқ Комиссарлари қошида 
комиссия ҳуқуқига эга бўлган ―Иқтисодий Кенгаш‖ ташкил 
этилсин.
2. Иқтисодий Кенгаш таркибига Туркистон Республикаси
Халқ Комиссарлари кичик кенгаши ва қуйидаги халқ 
комиссарлари киради: меҳнат ва ерни қайта ишлаш, алоқа 
йўллари округи, касаба уюшмалари кенгаши раиси, Туркфронт 
инқилобий ҳарбий кенгаши аъзоси ҳамда маслаҳат бериш овози 
билан 
Туркистон 
Республикаси 
статистика 
бошқармаси 
бошқарувчиси.

---

300 
3. Иқтисодий Кенгашга хўжалик қурилиши соҳасидаги 
идораларни бошқариш ва мувофиқлаштириш ҳамда улар 
фаолиятни кучайтириш топширилсин.
ТИК таркибига вилоят ва уезд иқтисодий кенгашларидан 
ташқари турли соҳаларда иш олиб борувчи 19та комиссариат 
мавжуд бўлиб, шулардан 10таси моддий ишлаб чиқариш ва 
иқтисодий соҳага, 9таси номоддий соҳага тегишли бўлиб, 
жумладан, почта ва телеграф, статистика, соғлиқни сақлаш 
комиссарликлари ва бошқалар фаолият кўрсатган. Бир қатор 
комиссарликлар (асосан, моддий илаб чиқариш ва иқтисодий
соҳада) ҳамда уларнинг вилоят ҳамда уездлардаги бўлимларида 
Давлат режа қўмитаси (Госплан) мавжуд бўлган.
1921 йил 6 октябрда Туркистон МИК ва Туркистон ХКС 
ТИКнинг фаолиятини кучайтириш мақсадида ―Туркистон 
Республикаси Иқтисодий Кенгаши ҳақида‖ Низом қабул қилди. 
Ушбу Низомга кўра, ТИК қуйидаги ҳуқуқларга эга эди: 
1. Туркистон АССРнинг ягона хўжалик режасини ишлаб 
чиқиш учун дастлабки топшириқларни белгилаш, ХКС ва ТМИҚ 
томонидан буткул тасдиқлангунига қадар, уларни алоҳида 
қисмларда тасдиқлаш. 
2. Совет ҳукуматининг марказий ва маҳаллий идораларига 
уларнинг раҳбарлари шахсий жавобгарлиги остида, хўжалик 
қурилиши бўйича мажбуриятлар белгилаш.
3. Ягона халқ хўжалиги режаси асосида республиканинг 
юқори хўжалик идораларига тегишли кўрсатмалар бериш ҳамда 
халқ комиссарликлари берган таъминот ва моддий маблағ 
ажратиш режаларини тасдиқлаш.
4. Туркистон АССР хўжалик қурилиши бўйича ягона 
режага зарурият туғилмаганда тегишли тарзда ўзгаришлар 
киритиш, унга асосан моддий ресурсларни, ишчи кучи ва пул 
маблағларини қайта тақсимлашни амалга ошириш.
5. Хўжалик фаолияти соҳасида мажбурий қарорлар ва 
кўрсатмалар 
чиқариш, 
уларнинг 
бажарилишини 
таъминламаганларни жавобгарликка тортиш.
6. Ўз ихтиѐрига кўра тафтишлар ва назорат ишларини 
ўтказиш (ишчи-деҳқон инспекцияси ва фавқулодда ҳолат 
идораларини жалб қилган ҳолда). 
7. Мулкни хатлаш, мусодара қилиш, завод, фабрика, бошқа 
саноат ва мол айирбошлаш муассасаларини национализация 

---

301 
қилиш, шунингдек, биринчи тоифали муассасаларни ижарага 
бериш масалаларини кўриб чиқиш.
8. РСФСР ва Туркистон АССР мулкий хўжалик режасига 
мувофиқ концентрация, трестлаштириш, синдикатлаштиришни 
амалга ошириш. 
Умуман олганда ТИК ўзига берилган ваколатлар ва 
ҳуқуқлар доирасида ўлка ҳаѐтининг барча жабҳаларини ўз 
назоратига олди. Аммо, Марказ ТИКга ҳеч қандай эркинликлар 
бермади. Хусусан, Иқтисодий кенгашларнинг жойлардаги қуйи 
тармоқларини ташкил этиш РСФСР Меҳнат ва Мудофаа Кенгаши 
раиси В.Лениннинг қатъий кўрсатмалари асосида белгилаб 
берилган эди.
Меҳнат 
ва 
Мудофаа 
Кенгаши 
барча 
иқтисодий 
кенгашларнинг ҳисоблари, статистик маълумотлари, мажлис 
баѐнномалари ва ҳатто хабарларини қаттиқ текшириб борди. Бу 
вазифани амалга ошириш ХКС ҳамда Меҳнат ва Мудофаа 
кенгаши 
ишлари 
ѐрдамчиси 
большевик 
Смольяниковга 
топширилган. Бундан кўринадики, жойлардаги маҳаллий ва 
марказий иқтисодий кенгашлар иши тўла Марказ ихтиѐри ва 
мунтазам кузатувида бўлган ҳамда унинг фаолиятига катта 
аҳамият берилган.
Шу тариқа Марказ бутун мамлакатни, хусусан, Туркистон 
АССРни иқтисодий жиҳатдан ―жиловлаб‖ олиш учун қуйидан то 
юқоригача иқтисодий кенгашлар ташкил қилди. ТИК аслида 
Турккомиссия, Тукрбюро каби совет давлатининг ўлкани 
Марказнинг хом ашѐ базасига айлантирувчи яна бир муҳим 
―қуроли‖ бўлиб, Туркистонда РСФСР Меҳнат ва Мудофаа 
кенгашининг умумий қоидаларига мос келувчи ўзгаришларни 
амалга ошириши, бу билан бирга, Марказнинг кўрсатмаларига 
қатъий амал қилган ҳолда ўлкани ягона халқ хўжалиги режаси 
асосида бошқариши лозим эди. Айнан шунинг учун ҳам 
Туркистонда совет давлатининг иқтисодий ислоҳотларини амалга 
оширишда ТИКнинг роли катта бўлди.
ТИК 1921 йилнинг феврал ойидан то октябр ойигача 
бўлган фаолияти даврида 35 та мажлис ўтказиб, унда 160дан зиѐд 
масала кўриб чиқилган. Кенгаш бу жараѐнда асосий эътиборни 
ишлаб чиқариш (46,2 фоиз) ва саноат (24,4 фоиз)га қаратган. 
Кейинги ўринда қурилишни ташкил қилишга (21,1 фоиз), яъни, 

---

302 
меҳнат таъминоти, қурилиш, кооперация ва маҳсулот 
айирбошлаш каби бошқа масалаларга эътибор қаратилган.
Умуман олганда, Туркистон иқтисодиѐтидаги инқирозли 
ҳолатдан чиқиш, айниқса, саноат ва ҳунармандчиликда юз берган 
айрим ижобий тикланишлар Иқтисодий Кенгашлар фаолияти 
билан чамбарчас боғлиқ эди. Большевиклар ―ижоди‖ бўлган 
Иқтисодий Кенгашлар Марказ манфаатларини қанчалик ҳимоя 
қилган бўлмасин, Туркистон ўлкаси саноатининг қисман 
тикланишига, маҳсулот ишлаб чиқаришига, маҳаллий аҳолининг 
иш билан таъминланишига имкон яратди. Бу Туркистон халқлари 
ижтимоий – иқтисодий аҳволининг ижобий томонга силжишига 
олиб келди.
Иккинчи 
томондан 
эса, 
Иқтисодий 
Кенгашлар 
Туркистонни совет Россиясининг асосий хом ашѐ етиштирувчи, 
саноат маҳсулотларига бирламчи ишлов бериб, ярим хом ашѐ 
маҳсулотлари тайѐрлаб берувчи ўлка сифатида Марказга боғлаб 
берди. Шу даврдан бошлаб Туркистонла унинг аҳолиси истаган 
саноат марказлари эмас, балки, Марказ истаган, унинг 
эҳтиѐжларига мос келадиган, зарурий хом ашѐ етказиб берадиган 
саноат корхоналари барпо этишга киришилди.
1921 йилнинг бошларидаги амалдаги вазият тақозоси билан 
совет ҳокимияти ва унинг раҳбари В.Ленин жамиятда юзага 
келган ижтимоий, иқтисодий ва сиѐсий танқисликдан тезда чиқиб 
кетиш мақсадида ―ҳарбий коммунизм‖дан янги иқтисодий сиѐсат 
(ЯИС - НЭП) йўлига ўтиш зарурлигини тушунди. 1921 йил 
мартда бўлиб ўтган РКП (б)нинг Х съезди янги иқтисодий 
сиѐсатга ўтиш ҳақида қарор қабул қилди. Бу йўл мамлакатда 
―большевикча диктатурани амалга ошириш‖ ҳамда ―социалистик 
жамият барпо этиш‖ вазифасини амалга оширишда янгича тактик 
ѐндашув бўлиб, у янги иқтисодий сиѐсатда ўз ифодасини топди. 
Ушбу сиѐсатнинг асосий моҳияти озиқ-овқат тақсимотини озиқ-
овқат солиғи билан алмаштириш, савдо-сотиқни эркинлаштириш, 
саноатда, хизмат кўрсатиш ва майда ҳунармандчилик соҳаларида 
хусусий тадбиркорликка рухсат этиш, бозорни тартибга солиш, 
ижарага олиш ҳамда ѐлланма меҳнатнинг чекланишини бекор 
қилишдан иборат эди.
Озиқ-овқат тақсимотининг озиқ-овқат солиғи билан 
алмаштирилиши деҳқон хўжалигининг давлат билан йил охирига 
қадар тузиладиган шартномасини кўзда тутиб, давлат билан 

---

303 
деҳқон хўжалиги ўртасида маҳсулот етказиб беришга қаратилган 
эди. Натижада деҳқонлар ўзларининг шартномадан ортиқча 
маҳсулотларини бозорларда эркин сотиш ҳуқуқига эга бўлдилар. 
Бу ҳолат деҳқонларнинг меҳнатга бўлган муносабатини 
ўзгаришига олиб келди. Ундан ташқари, нархларни тартибга 
солиш юзасидан чора-тадбирлар ҳам кўрилди.
Янги иқтисодий сиѐсат иқтисодий соҳаларнинг қисман 
бўлса-да, силжишига олиб келди. ―Ҳарбий коммунизм‖ сиѐсати 
даврида давлат ички ва ташқи бозорни ўз қўлига олган бўлса,
янги иқтисодий сиѐсат ички бозорга эркинлик берди. Аммо, 
ташқи бозор давлат ҳукмронлиги таъсирида қолди. Бу сиѐсат 
шаҳар 
билан 
қишлоқ 
ўртасидаги 
муносабатларни 
мувофиқлаштиришга, 
яқинлаштиришга, 
иқтисодий 
муносабатларни йўлга қўйишга қаратилди.
Таъкидлаш лозимки, 1922 йилнинг иккинчи ярми – 1923 
йилнинг бошларида маҳаллий хўжаликлар ҳаѐтида сезиларли 
иқтисодий ўзгариш кўзга ташланди. Бу жараѐнда иқтисодиѐтни 
жонлантиришдаги қарорларнинг аҳамияти катта бўлди. Мисол 
учун, Туркистон советлари МИК 1922 йил 11 апрелда ―Натура 
солиғи ҳақида‖ қарор қабул қилди. Янги иқтисодий сиѐсатни 
мустаҳкамлашга қаратилган ушбу қарорга кўра, деҳқонларнинг 
норозилигига сабаб бўлган озиқ-овқат тақсимоти ўрнига ялпи 
ҳосилнинг 10 фоизи миқдорида озиқ-овқат солиғи белгиланди. 
Аммо, орадан кўп ўтмай деҳқон хўжаликларининг катта-
кичиклигидан келиб чиқиб солиқни табақалаштириш жорий 
этилди.
Солиқ йилнинг охирида олинган ҳосилга қараб эмас, балки 
экин экиладиган майдон ҳажмига қараб белгиланган эди. 
Солиқлар қўйидаги ҳажмда олиниши белгилаб қўйилган: 2 
десятинагача ери бўлган хўжаликлардан ҳосилнинг 5 фоизи, 2-4 
десятинагача – 10 фоиз, 4-6 десятинагача – 12 фоиз, 6-8 
десятинагача – 14 фоиз, 8-20 десятинагача – 16 фоиз. 
Туркистонда янги иқтисодий сиѐсат асосида халқ 
хўжалигининг 
аосий 
тармоғи 
ҳисобланган 
саноатни 
ривожлантиришга қаратилган ишлар йўлга қўйила бошланди. 
Кичик ва ўрта бўғиндаги саноат тармоқлари билан қаторда 
Хилково цемент заводи, Фарғона пиллакашлик фабрикаси 
қурилиб, Хилково-Қизилқия темир йўл шахобчаси барпо этилди.

---

304 
Хоразм Республикасида саноат корхонлари (асосан 
ҳунармандчилик усталари) давлат ихтиѐрига ўтказилиб, давлат 
назоратига олинди. Манғит, Гурлан, Тошҳовуз каби пахта 
тозалаш заводлари давлат ихтиѐрига ўтказилди. 1923 йилда Хива 
шаҳрида 120га яқин темирчилик 
устахоналари, 131та 
дурадгорлик устахоналари, 50та бўѐқчилик ҳамда 136та терини 
қайта ишлаш корхоналари фаолият кўрсатиб, уларда 2058 нафар 
ҳунарманд иш билан таъминланган эди. Бухоро Республикасида 
ҳам бир қанча саноат корхоналари давлат тасарруфига олинди. 
Хусусан, 1923 йилда Бухорода 23та саноат корхонаси давлат 
ихтиѐрига ўтказилди. Аммо, улардан атиги 6таси фаолият 
кўрсатар эди.
Янги иқтисодий сиѐсат асосида чеклашлар билан бўлса-да, 
қишлоқ хўжалигининг асосий тармоғи ҳисобланган пахтачилик 
соҳасида ҳам маълум бир ишлар амалга оширилди. Адабиѐтларда 
берилишича, маҳаллий раҳбар ходимларнинг талабларига кўра, 
қийинчиликлар билан бўлса-да, 1923 йил январь ойида Иттифоқ 
Меҳнат ва Мудофаа Кенгаши қабул қилган қарорда ―Республика 
ичида пахтани харид қилишда давлат монополияси бекор 
қилинсин‖, деб кўрсатиб ўтилган эди. Шунга кўра, пахтанинг 
қатъий нархи бекор қилинди. Чунки, пахта етиштиришдаги 
харажатлар ўзини қопламас эди. Деҳқонларни керакли қишлоқ 
хўжалик воситалари билан таъминлаш, от-улов солиғини бекор 
қилиш, баъзи камбағал хўжаликларни эса озиқ-овқат солиғидан 
озод этиш тартиби жорий этилди.
Хоразм советларининг 1923 йил 18-20 октябрда бўлиб 
ўтган кенгаши ерга нисбатан хусусий мулкчиликни бекор қилиш 
ҳақида қарор қабул қилди. Бу қарорга кўра, ер-сув ислоҳотини 
большевиклар андозаси бўйича синфий ѐндашув аосида кескин 
тусда амалга ошириш бошланди. Натижада 1923 йил охирларига 
келиб Хоразмдаги 64 минг таноб ер ўз эгаларидан тортиб олинди.
Шунингдек, 
1923 
йилнинг 
октябрида 
Бухоро 
республикасида советларнинг умумбухоро IV қурултойида янги 
Ер кодекси тасдиқланди. Бу кодексга кўра, ―барча ерлар, улардан 
ким фойдаланишидан қатъий назар, ишчи-деҳқон давлатининг 
мулки‖, деб эълон қилинди. Ерга ким ишлов берса, унга ―эгалик 
қилиш ҳуқуқи‖ берилди. Битта хўжаликка мўлжалланган 
чекланган ер нормаси 30 таноб (7,5 десятина) қилиб белгиланди. 
Ўрта Осиѐ республикаларида фаолият кўрсатаѐтган Иттифоқ Бош 

---

305 
Пахта Қўмитаси баъзи ўзгаришларни амалга оширган бўлса-да, 
ўзининг асл мақсади бўлган монополия сиѐсатини сақлаб қолди.
Аста-секинлик билан ўлка иқтисодиѐти, унинг қишлоқ 
хўжалиги Иттифоқ манфаатларига бўйсундириб борилди. 
Ўлканинг барча бойликлари асосан пахта ва бошқа хом ашѐлар, 
мустамлака даврида бўлгани каби, ташиб кетила бошланди. Ўлка 
иқтисодиѐтининг тобора қарам бўлиб бориши унинг издан 
чиқишига, халқнинг ижтимоий – иқтисодий аҳволининг янада 
оғирлашувига олиб келди. Туркистон ўлкасига четдан ғалла, 
металл буюмлар ва бошқа кўплаб маҳсулотлар келтириш камайиб 
кетди. Бунинг асосий сабаби, Ўрта Осиѐ республикаларида 
тоталитар тузумининг маъмурий буйруқбозлик бошқарув 
усулининг кучайиб бориши эди. Айнан шунинг учун ҳам янги 
иқтисодий сиѐсат ўзининг асл моҳиятини йўқотиб борди. Бу эса 
1920-йилларнинг охирларига келиб, янги иқтисодий сиѐсатга 
барҳам берилишига олиб келди.
1923 йил 5-9 март кунлари Тошкентда Туркистон, Бухоро 
ва Хоразм республикаларининг I иқтисодий конференцияси 
бўлиб ўтди. Ушбу конференциянинг 9 март куни бўлиб ўтган 
охирги мажлисида уч республикани иқтисодий жиҳатдан 
бирлаштириш ҳақида қарор қабул қилиниб, Тошкентда Ўрта 
Осиѐ Иқтисодий Кенгаши (СЭС) ташкил этилди. Конференцияда 
шу вақтдан бошлаб учала республиканинг иқтисодий фаолияти 
ва хўжалик режаларини ягона иқтисодий сиѐсат доирасида 
бирлаштиришга қарор қилинди. Ўрта Осиѐ Иқтисодий Кенгаши 
раиси этиб ТИК раҳбари Н.А.Паскуцкий тайинланди.
Ўрта Осиѐ ИК тузилганидан сўнг 1923 йилнинг апрел ва 
июн ойларида БХСР ва ХХСР Нозирлар Шўроси қошида ҳам 
иқтисодий кенгашлар ташкил этилди. Маълумотларга кўра, ―Ўрта 
Осиѐ Иқтисодий Кенгаши тўғрисидаги‖ Низомда унинг асосий 
вазифаси 
этиб, 
―Бухоро, 
Хоразм 
ва 
Туркистон 
республикаларининг хўжалик ҳаѐтини ривожлантириш ва 
бошқариш, шунингдек, уч республиканинг хўжалик ҳаѐтига 
раҳбарлик қилиш ҳамда бошқариш ва уларга кўрсатмалар бериш‖ 
белгилаб қўйилган. Ўз навбатида Ўрта Осиѐ ИК ўз фаолиятида 
СССР Меҳнат ва Мудофаа кенгаши олдида жавобгар ҳисобланар 
эди.
Ўрта Осиѐ ИК ташкил этилиши билан унинг қошида Ўрта 
Осиѐ давлат режа комиссияси ва ҳакамлик суди комиссияси 

---

306 
тузилди. Давлат режа комиссияси таркибига қишлоқ хўжалиги, 
сув хўжалиги, бюджет ва кредит ҳамда умумий бўлимлар мавжуд 
бўлиб, ҳар бир бўлим ўз соҳасига кўра, ўзига юклатилган вазифа 
бўйича уч республика миқѐсида иш олиб борди. Ҳакамлик суди 
комиссиясининг 
асосий 
вазифаси 
эса, 
Ўрта 
Осиѐ 
республикаларидаги давлат идоралари ва корхоналараро мулк 
масалалари бўйича юзага келадиган низоларни кўриб чиқиш ва 
ҳал қилиш, шунингдек, СССР иқтисодий сиѐсати ва 
қонунчилигининг Ўрта Осиѐ республикаларида ўрнатилиши, 
уларнинг ижросини назорат қилиш эди.
Шу тариқа Ўрта Осиѐ ИК ташкил этилиши Ўрта Осиѐ 
республикалари иқтисодиѐтини Марказ томондан бошқариш 
йўлидаги биринчи қадам бўлиб, бу ташкилот орқали уч 
республика халқ хўжалиги маъмурий буйруқбозлик усулида 
бошқарила бошланди. СЭС ташкил этилган вақтидан бошлаб 
ўзига юклатилган вазифалар асосида уч республиканинг 
иқтисодиѐтини 
Марказнинг 
эҳтиѐжини 
қондириш 
учун 
мослаштиришга ҳаракат қилди. 
Янги тадқиқотларга кўра, большевиклар аввал бошданоқ 
яккаҳокимликда марказлашган давлат тузишни асосий мақсад 
қилиб қўйган эдилар. Совет ҳукумати кўзланган мақсадга 
эришиш учун турли маъмурий бошқарув бўғинларини 
кўпайтириб, йирик бюрократик давлат аппаратини вужудга 
келтирдилар. Иқтисодий Кенгашлар мамлакатнинг энг нозик ва 
муҳим бўғинини бошқарувчи, миллий республикалардаги 
Иқтисодий Кенгашлар эса туб ерли аҳоли яратган моддий 
бойликларни ―оқилона‖ тарзда Марказга етказиб берувчи 
воситага айландилар.
Иқтисодий Кенгашларнинг ҳаракатлари туфайли Бухоро ва 
Хоразм республикаларининг мустақиллик рамзларидан бири 
бўлган валютаси бекор қилиниб, совет пули муомалага 
киритилди. Шунингдек, ҳар иккала республикада мавжуд бўлган 
солиқ тизими бекор қилиниб, советларнинг солиқ тизими жорий 
этилди. БХСР ва ХХСР ташқи алоқалар масаласида ҳам 
мустақилликни бой берди. Уларнинг ташқи алоқалари фақат 
Марказ орқали ѐки унинг рухсати билан олиб бориладиган бўлди.
Мавзу бўйича олиб борилган тадқиқотлар натижаларига 
эътибор берадиган бўлсак, Иқтисодий Кенгашлар Туркистон, 
Хоразм ва Бухоро республикаларининг ўша даврдаги оғир 

---

307 
иқтисодий аҳволини тиклаш борасида бир қанча ишларни амалга 
оширган эди. Бунинг натижасида миллий республикаларнинг 
иқтисодиѐти бирмунча интеграциялашиб, бир-бирига ѐрдам 
бериш асосида иқтисодиѐтнинг қийин ва оғир жабҳалари 
ривожланиб, изга тушди. Афсуски, Иқтисодий Кенгаш бутун 
фаолияти давомида иқтисодий ва сиѐсий жараѐнларни биринчи 
галда Марказ манфаатларини ҳисобга олган ҳолда, Марказ 
андозалари асосида олиб борди. Бунинг натижаси ўлароқ, миллий 
республикалардаги сиѐсий, иқтисодий ва молиявий соҳаларни 
бошқариш маҳаллий раҳбарлар қўлидан Марказ ихтиѐрига ўтди.
Ўрта Осиѐда миллий-ҳудудий давлат чегараланиши 
ўтказилиши натижасида Ўрта Осиѐ ИК ўзининг 1924 йил 24 
ноябрда бўлган охирги мажлисида 25 ноябрдан эътиборан ўз 
фаолиятини тўхттганлиги ҳақида қарор қабул қилди.