Махсус таълим вазирлиги мирзо улуғбек номидаги

сплайсинг ва 
процессинг
ҳодисаси кечади. Бунинг натижасида олдин ядрода пре-и РНК 
синтезланади.
4)
Эукариотларда тўқима ҳужайраларининг дифференциацияси ва 
органларнинг ривожланишини таъминловчи генлар фаолиятининг регуля-
циясига гормонлар таъсири кучли бўлади. Сут эмизувчиларда эса бу 
жараёнга жинсий гормонлар ҳам ўз таъсирини кўрсатади. 
5)
Молекуляр генетика далилларининг кўрсатишича эукариотлардаги 
генлар фаолиятининг регуляциясига хромосома таркибидаги гистон ва 
гистон бўлмаган оқсиллар ҳам таъсир кўрсатади. Гистонлар айниқса H1 
гистони генлар фаолиятини тўхтатишлиги, гистон бўлмаган оқсиллар эса, 
аксинча генлар фаолиятининг намоён бўлишига таъсир этади. 
Келгуси авлодга зигота ҳосил бўлиши орқали берилган генетик 
ахборотнинг организмлар онтогенези давомида белги ва хусусиятлар 
фенотип шаклида намоён бўлиш қонуниятлари мукаммал «Онтогенезнинг 
генетик асослари» бобида баён этилади. 

---

322 
XI б о б
.
ГЕНЕТИК ИНЖЕНЕРИЯ
 
 
Генетик инженерия
молекуляр ва классик (умумий) генетика кашф 
этган назарий қонуниятларга ва яратилган методларга таяниб организмлар 
генетик ахборотини мақсадга мувофиқ ўзгартириб трансген организмлар 
яратиш ва уларни баҳолаб амалиётга тавсия қилиш вазифасини 
бажарадиган амалий молекуляр генетик фандир. Генетик инженерия 
тадқиқот объектига қараб қуйидаги йўналишдан иборат: Ген инженерияси 
ҳамда хромосома ва ҳужайра инженерияси. Генетик инженерия ўзининг 
фаолиятида қуйидаги молекуляр-генетик жараёнларни амалга оширади.
1)
Лаборатория шароитида генларни сунъий синтезлаш. 
2)
Эукариот организмлар ҳужайрасидан айрим генларни, хромосома-
нинг айрим қисмларини, айрим хромосомаларни, ҳатто ядроларни ажратиб 
олиш. Хромосомага эга бўлмаган организмлар – прокариотларнинг ва 
эукариотларнинг цитоплазматик органоидларидаги плазмогенларнинг 
ДНКсида жойлашган айрим генларни ажратиб олиш. 
3)
Ажратиб олинган 2-пунктда қайд этилган ген ва генетик 
структураларни мақсадга мувофиқ равишда қайта қуриш. 
4)
Организмлардан ажратиб олинган ва лабораторияда синтезланган 
ген ва генетик структураларнинг нусхаларини яратиб уларни кўпайтириш 
– клонлаш. 
5)
Қайд қилинган операция орқали тайёрланган генлар ва генетик 
структуралар донор организмдан махсус векторлар ёрдамида реципиентга 
яъни ирсияти ўзгартирилиши режалаштирилган организмга ўтказиш ва 
унинг геномига жойлаштириш ва фаолият кўрсатиши учун шароит яратиш.