Махсус таълим вазирлиги мирзо улуғбек номидаги

 
2. Гигант хромосомалар ёрдамида цитологик 
хариталарни тузиш.
 
Цитологик тадқиқотлар натижасида дрозофила пашшасининг сўлак 
безларида жуда йирик (гигант) политен хромосомалар мавжудлиги 
аниқланган. Политен хромосомалар биринчи марта 1881 йилда 
Э.Бальбиани томонидан топилган эди. Бундай хромосомалар ҳужайрада 
бўладиган эндомитоз жараёни туфайли ҳосил бўлади. Бунда бошланғич 
хромосома жуда кўп марта (1000 га яқин) кўпайиб, бир-бири билан 
бириккан ҳолда қолади. Бунинг натижасида политен хромосома кучли 
равишда узаяди ва йўғонлашади. Уларни бўяб микроскоп остида 
кўрилганда хромосома ичида кўп ва ҳар хил жойлашган қора дискларни 
кўриш мумкин. Дискларнинг сони, кўлами ва уларнинг хромосомада 
жойлашиш тартиби ҳар қайси тур учун ўзига хос бўлади. Политен 
хромосомалар генетик ва цитогенетик хариталарни тузишда ҳамда 
хромосомаларда содир бўладиган транслокация каби улар тузилишидаги 
ўзгариш катта аҳамиятга эга. Дрозофилада бу методдан фойдаланиш қатор 
генларнинг хромосомада жойлашиш тартибини аниқлаш имконини берди. 
57-расмда дрозофиланинг IV хромосомасининг цитологик ва генетик 
харитаси намойиш этилган. Генлар хромосоманинг қайси жойида 
жойлашганлигини Т. Пайнтер методи билан аниқланади. Бунинг учун у 
хромосомаларнинг турли кичик ҳажмдаги қайта қурилишлари - 
структуравий ўзгаришлари (дупликация, делеция, дефишенси) дан 
фойдаланди. 

---

220 
VII.4.4 Хромосомаларнинг генетик ва цитологик 
хариталарини ўзаро таққослаш 
 
Генетик ва цитологик хариталарни ўзаро таққослаш хромосома 
узунлиги бўйича кроссинговер частоталарининг ҳар хил эканлигини 
исботлади. Бу нарса сўлак безининг хромосомаларида кўрсатиб берилди. 
Дрозофиланинг ҳамма тўртта политен хромосомаларининг генетик 
харитаси муайян узунликка эга. Бу узунлик кроссинговер фоизи билан 
ўлчанади. Дрозофиланинг Х-хромосомаси ва учта аутосомаларининг 
умумий узунлиги 279 кроссинговер бирлиги (морганид) ни ташкил этади. 
К.Бриджес дрозофиланинг ҳамма тўртта политен хромосомаларининг ҳар 
бирининг узунлигини микрон ҳисобида алоҳида ўлчади. Уларнинг умумий 
узунлиги 1180 мк га тенглигини аниқлади. Политен хромосомаларнинг 
цитологик ва генетик харитасини солиштириш учун Бриджес кроссинговер 
фоизидан фойдаланди. Бунинг учун у хромосомаларнинг умумий 
узунлигини кўрсатувчи сон (1180 мк) ни генетик хариталарнинг умумий 
узунлигини кўрсатувчи сон (279 кроссинговер ёки рекомбинация бирлиги) 
га бўлди ва 4,2 сонини олди. Демак, генетик харитадаги ҳар қайси битта 
кроссинговер фоизига цитологик харитада 4,2 мк тўғри келади. Генетик 
харитадаги генлар орасидаги аниқланган масофани кўрсатувчи 
кроссинговер фоизига асосланиб хромосоманинг ҳар хил қисмида содир 
бўлувчи хромосома кроссинговери (чалкашиши) нинг намоён бўлиш 
частотасини аниқлаш мумкин. 
Масалан, дрозофиланинг Х-хромосомасида