Махсус таълим вазирлиги гулистон давлат университети

Ўзлаштириш кўрсаткичи:

86-100 балл - «аъло», 71-85 балл - «яхши», 55-70 балл- «қониқарли» ҳисобланади. Саралаш бали -55.

Эслатма: Талабанинг умумий бали ҳисобланганда яхлитлаб олинади.
МАНТИҚ ФАНИ БЎЙИЧА ТАЪЛИМ ТЕХНОЛОГИЯЛАРИНИ ИШЛАБ ЧИҚИШНИНГ КОНЦЕПТУАЛ АСОСЛАРИ

Билим олиш жараёни билан боғлиқ таълим сифатини белгиловчи ҳолатлар: дарсни юқори илмий-педагогик даражада ташкил этилиши, муаммоли машғулотлар ўтказиш, дарсларни савол-жавоб тарзида қизиқарли ташкил қилиш, илғор педагогик технологиялардан ва мультимедиа қўлланмалардан фойдаланиш, тингловчиларни мустақил фикрлашга ундайдиган, ўйлантирадиган муаммоларни улар олдига қўйиш, талабчанлик, тингловчилар билан индивидуал ишлаш, ижодкорликка йўналтириш, эркин мулоқотга киришишга, илмий изланишга жалб қилиш ва бошқа тадбирлар таълим устуворлигини таъминлайди. Таълим самарадорлигини орттиришда фанлар бўйича таълим технологиясини ишлаб чиқишнинг концепцияси аниқ белгиланиши ва унга амал қилиниши ижобий натижа беради. Фанни ўқитишнинг мақсади ва таълим бериш технологиясини лойиҳалаштиришдаги асосий концептуал ёндашувлар қуйидагилардан иборат.

Фаннинг мақсади. Барча бакалавриат таълим йўналишларида таҳсил олаётган талабаларга мантиқий тафаккурнинг ривожланиш жараёнларини тўлароқ очиб бериш, тафаккур шакллари ва қонунларининг инсон ва жамият ҳаётидаги ўрнини тушунтиришдир.
Фанни ўқитишнинг вазифалари. Мустақил шахсни тарбиялашда, табиат ва жамиятга тўғри тафаккур ила ёндашиш, мантиқий фикрлайдиган, аждодларимиз яратган бой фалсафий мероси ва умуминсоний қадриятларига таянадиган, маънавий ва ахлоқий етук шахсни шакллантиришдан иборат.
Шахсга йўналтирилган таълим. Ўз моҳиятига кўра таълим жараёни барча иштирокчиларини тўлақонли ривожланишларини кўзда тутади. Бу эса таълимни лойиҳалаштирилаётганда, албатта, маълум бир таълим олувчининг шахсини эмас, аввало, келгусидаги мутахассислик фаолияти билан боғлиқ ўқиш мақсадларидан келиб чиққан ҳолда ёндошишга эътибор қаратишни амалга оширади. Ҳар бир талабанинг шахс сифатида касбий такомиллашувини таъминлайди. Таълимнинг марказига билим олувчи қўйилади.