Махсус таълим вазирлиги гулистон давлат университети

III модул вазифалари:

• 
  Мантиқий фикрларнинг миллий ва умумбашарий жиҳатларини таҳлил этиш, ҳамда уларнинг мамлакатимиз ижтимоий-маънавий ҳаётидаги аҳамиятини кўрсатиб бериш;
  
• 
  талабаларга билиш ва унинг босқичларини, тафаккур шакллари ва қонунларини тўғри тушуниш инсон ва жамият ҳаётидаги улкан маънавий ҳодиса эканини уқтириш таҳлил ва тарғиб эта олиш малакасини ҳосил қилиш;
  
• 
  Аждодларимиз томонидан яратилган фалсафий фикрларнинг эркин, демократик жамият тараққиётидаги беқиёс аҳамиятини талабаларга англатиш;
  
• 
  талабаларга келгусида мантиқ фанини ўқитиш ва ўрганишда ижодийлик, илмийлик, тарихийлик, изчиллик ҳамда холислик тамойилларига амал қилиш лозимлигини тушунтириш;
  
• 
  маъруза ва семинар машғулотларида, мустақил таълим жараёнларида ёшларни имкон борича манбаларга кўпроқ мурожаат қилишларига эришиш ва бошқалардан иборат.
  

Ўқув дастурига кўра, бу модулга фалсафа фанининг ичида (Этика, эстетика, логика) кундузги таълим йўналиши талабалари учун жами 16 соат: 8 соат маъруза ва 8 соат амалий машғулот ўқув соатлари ажратилган. Шундан келиб чиқиб, «Миллий ғоя ва фалсафа» кафедрасида Фалсафа (III модул-Мантиқ) фани юзасидан ишчи ўқув дастури тузилиб, шу асосида ўқув-услубий мажмуа яратилди.
Мажмуа замонавий педагогик технологиялар асосида тузилган маъруза матнлари, семинар машғулотларини бажариш тартиби, мустақил иш топшириқлари, реферат мавзулари, назорат саволлари ва тест топшириқларидан иборат.


Фаннинг мақсад ва вазифалари
(Ваъз-8 соат, семинар машғулот-8 соат)


Курснинг мақсади: Аждодларимиз яратган бой фалсафий-мантиқий меросни ҳозирги замон ёшларининг онги ва қалбига етказиш, уларни ҳар томонлама етук, баркамол авлод қилиб тарбиялаш, жамиятда бўлиб турган барча воқеа - ҳодисаларни чуқур илмий, мантиқий-изчиллик билан таҳлил қила оладиган, юксак мантиқий тафаккурга эга бўлган инсонни тарбиялаш ушбу ўқув курснинг бош мақсадидир.
Курснинг вазифалари: Мустақил шахсни тарбиялашда, табиат ва жамиятга тўғри тафаккур ила ёндашиш, мантиқий фикрлайдиган, аждодларимиз яратган бой фалсафий мероси ва умуминсоний қадриятларига таянадиган, маънавий ва ахлоқий етук шахсни шакллантиришдан иборат.
Ушбу курсни ўрганишда: талабалар Фалсафа, психология, маънавият асослари ва диншунослик, маданиятшунослик, Ўзбекистон халқлари тарихи ва бошқа қатор табиий-ижтимоий фанлардан олган билимлари асосида иш кўрадилар.