Mahalliy tarmoq Kompyuterlarni bir-biri bilan bog`lash. Tarmoqni tashkil etishda kabellarni ahamiyati

Kontsentrator (HUB) - tarmoqda kompyuterlarni o‘zaro axborot almashuvini ta'minlovchi maxsus qurilma. U o‘ziga 12, 16, 24 ta kompyuterlarni o‘zaro bog‘lash mumkin.
Axborotni uzatish kabellari - tarmoqda axborotni bir kompyuterdan boshqasiga uzatish uchun xizmat qiladi.
Modem -axborotni kompyuterdan uzatish kabeliga va kabeldan kompyuterga tushunarli ko’rinishga (yoki telefon aloqa tarmog‘iga) o‘tkazuvchi maxsus elektron qurilma.
Modem “modulyator” va “demodulyator” so‘zlari birikmasidan kelib chiqqan bo‘lib, uning yordamida axborot uzatuvchi kompyu-terda raqamli ko‘rinishdan anolog ko‘rinishiga aylantiriladi, shuningdek qabul qiluvchi kompyuterda anolog ko‘rinishdan raqamli ko‘rinishga aylantiriladi.
Ishchi stantsiyalar - bu foydalanuvchi kompyuterlaridir.
Kompyuterlar tarmoqda ishlashi uchun serverga kerakli tarmoq operatsion tizimi o‘rnatilishi lozim. Ularga masalan, Novell Net Ware NT Server va boshqalarni misol qilish mumkin.
Lokal tarmoqda oddiy axborotlar va fayl ma'lumotlarini jo‘natish va qabul qilishda asosan Outlook Express dasturdan foydalaniladi. Bu dastur bilan ish yuritish juda qulay.
Bu dasturdan tashqari to‘g‘ridan to‘g‘ri kompyuterlar bilan bog‘lanish uchun “Setovoe okrujenie” vositasidan foydalanish mumkin. Bu vosita Windows ish stolida joylashgan bo‘lib, u ishga tushirilganda lokal tarmoqqa ulangan kompyuterlar nomlari ro‘yxati chiqadi va u yerdan kerakli kompyuter xotirasidagi fayllarni ko‘rish imkoni mavjud.
Kompyuterlarni bir-biri bilan bog`lash.
Kompyuterlar orasida ma'lumot almashish va umumiy masalalarni birgalikda yechish uchun komyuterlarni bir-biri bilan bog`lash ehtiyoji paydo bo`ladi. Kompyuterlarni bir-biri bilan bog`lashda ikki xil usuldan foydalaniladi:

• 
  Kabel yordamida bog`lash. Bunda kompyuterlar bir-biri bilan koaksial, o`ralgan juftlik kabeli (UTP) yoki shisha tolali kabellar orqali maxsus tarmoq plata yordamida bog`lanadi.
  
• 
  Simsiz bog`lanish. Bunda kompyuterlar bir-biri bilan simsiz aloqa vositalar yordamida, ya'ni radio to`lqinlar, infraqizil nurlar, WiFi va Bluetooth texnologiyalari yordamida bog`lanadi.
  

Bir-biri bilan bog`langan kompyuterlarning bunday majmuasi kompyuter tarmog`ini tashkil etadi.