Magistratura bo’limi

Tadqiqot ob’ekti va predmetining belgilanishi. Tadqiqot ob’ekti bo’lib, O’zbekiston Respublikasi va Qashqadaryo viloyatida faoliyat ko’rsatayotgan innovatsion tadbirkorlik sub’ektlari hisoblanadi. Tadqiqot predmeti bo’lib, kichik biznes va xususiy tadbirkorlik bilan shug’ullanuvchi xo’jalik sub’ektlari faoliyatida sodir bo’ladigan innovatsion iqtisodiy munosabatlar hisoblanadi.
Tadqiqot maqsadi va vazifalari. Iqtisodiyotni modernizatsiya qilish sharoitida innovatsion tadbirkorlikni iqtisodiy faollikdagi o’rni, rivojlanish xususiyatlari va yo’nalishlarining nazariy va uslubiy asoslarini takomillashtirishga qaratilgan ilmiy taklif va amaliy tavsiyalar ishlab chiqishdan iborat.
Qo’yilgan maqsadga muvofiq tadqiqot ishining vazifalari etib quyidagilar belgilandi:

• 
  bozor iqtisodiyoti sharoitida innovatsion tadbirkorlikning ijtimoiyiqtisodiy mazmuniga bo’lgan xorijiy va vatanimiz olimlarining ilmiy qarashlarini o’rganish va tahlil qilish;
  
• 
  iqtisodiyotning rivojida innovatsion tadbirkorlikning o’rnini asoslash hamda o’ziga xos xususiyatlari va yo’nalishlariga aniqlik kiritish;
  
• 
  xo’jalik tizimlarini transformatsiya qilish jarayonida innovatsion tadbirkorlik faoliyatining shart-sharoitlarini o’rganish;
  
• 
  innovatsion tadbirkorlikni shakllanishi va rivojlanishining umumiyligi va uning o’ziga xos xususiyatlarini aniqlash;
  
• 
  innovatsion tadbirkorlik muhitining innovatsion kichik biznes sub’ektlari faoliyati samaradorligiga ta’sirini o’rganish va uni baholash;
  
• 
  bozor islohotlarini chuqurlashtirish davrida innovatsion tadbirkorlikning iqtisodiy faoliyati rolini oshirish bo’yicha amaliy takliflar ishlab chiqish;
  
• 
  iqtisodiyotni erkinlashtirish sharoitida innovatsion tadbirkorlik faoliyati samaradorligini oshirishga qaratilgan istiqboldagi rivojlanish xususiyatlarining nazariy jihatlari va yo’nalishlarini ilmiy bashorat qilish.