Magistratura bo’limi

XULOSA VA TAKLIFLAR………………............................
108
	FOYDALANILGAN ADABIYOTLAR RO’YXATI…………	112
	ILOVALAR...................................................................................

KIRISH

Dissertatsiya mavzusining asoslanishi va uning dolzarbligi. Yevropa va Markaziy Osiyo davlatlaridagi iqtisodiy ko’rsatkichlarning pasayishiga qaramasdan O’zbekiston Respublikasi taraqqiyot sari ildam qadam tashlab kelmoqda.
Iqtisodiy taraqqiyotga erishishning yangi sifat bosqichiga o’tish yuzasidan iqtisodiy islohotlarni chuqurlashtirish va modernizatsiyalash bo’yicha belgilangan ustuvor yo’nalishlarni amalga oshirilib borishi natijasida mamlakatimiz Birinchi Prezidenti I.A.Karimov iborasi bilan aytganda «... islohotlar natijasida yalpi ichki mahsulotimizda kichik biznes va xususiy tadbirkorlikning ulushi 2000 yildagi 31 foizdan bugungi kunda 56,7 foizga etgani yoki 1,8 barobar oshganini alohida ta’kidlashni istardim. Hozirgi paytda ushbu sohada jami sanoat mahsulotlarining uchdan bir qismi, qishloq xo’jaligi mahsulotlarining 98 foizi ishlab chiqarilmoqda. Ish bilan band jami aholimizning 77 foizdan ortig’i – shunga e’tibor bering – mazkur tarmoqda mehnat qilayotgani, o’z peshona teri bilan nafaqat o’z oilasini boqayotgani, balki mamlakatimiz boyligiga boylik qo’shayotgani, avvalo, mustaqillik bizga ochib bergan imkoniyatlarning yaqqol isboti, desam, ayni haqiqatni aytgan bo’laman»¹.
Shunday ekan, bugungi kunda O’zbekiston Respublikasi Prezidenti Sh.Mirziyoev ta’kidlab o’tganlaridek, “Bu - xususiy mulk va tadbirkor-likni yanada rivojlantirish va ularning ta’sirchan himoyasini ta’minlashdir”².
O’zbekiston Respublikasi Birinchi Prezidenti I.Karimov mamlakatimiz taraqqiyotini kuchaytirish va xalqimiz farovonligini yanada oshirish borasida erishilayotgan yutuqlar haqida to’xtalib: “Ohirgi yillarda va o’tgan yili mamlakatimiz iqtisodiyotini rivojlantirish borasida qo’lga kiritilgan natijalar Xalqaro valyuta jamg’armasi, Jahon banki, Osiyo taraqqiyot va boshqa nufuzli xalqaro moliya tashkilotlari tomonidan yuksak baholanmoqda”² deb ta’kidlagan so’zlari respublikada bozorni o’rganish, kichik biznes va xususiy tadbirkorlikni yo’lga qo’yish, xodimlarni rag’batlantirish borasidagi harakatlar bilan bevosita bog’liqdir. Ayniqsa, aholining ish bilan bandligi sohasidagi o’zgarishlarda kichik biznes va xususiy tadbirkorlik muhim ahamiyatga ega bo’lib bormoqda.
Kichik biznes va xususiy tadbirkorlik kapital taqchilligi sharoitida ko’p mablag’ talab etmaydigan xo’jalik faoliyati sifatida resurslar aylanmasining yuqori suratlarini ta’minlaydi, iqtisodiyotni qayta qurish, iqtisodiy nobarqarorlik va resurslar cheklanganligi sharoitida iste’mol bozorini shakllantirish va uni to’ldirish muammosini tez hamda tejamli tarzda hal etadi. Kichik korxonalar iste’mol talabining o’zgarishiga darhol moslashadi va shu yo’l bilan iste’mol bozoridagi zaruriy muvozanatni ta’minlaydi. Kichik biznes yangi ish o’rinlarini yaratishi bilan ishsizlik muammosini hal etishda muhim rol o’ynaydi.
Mustaqillik yillari mobaynida mamlakatimizda kichik biznes va xususiy tadbirkorlikni rivojlantirishning iqtisodiy va huquqiy asoslari yaratilganligini qayd etish joiz. Natijada kichik biznes va xususiy tadbirkorlik sub’ektlarining ijtimoiyiqtisodiy holati sezilarli darajada yaxshilandi. Biroq, amalga oshirilgan ishlar ko’lamiga qaramasdan bu sohada hali yechimini kutayotgan muammolar ham bor.
Respublikamizda, shu jumladan, hududlarda innovatsion tadbirkorlik-ni rivojlantirish jarayoni, xususiyatlari va yo’nalishlari majmuini ishlab chiqish, iqtisodiy faoliyati samaradorligini baholash, iqtisodiy rivojlanish strategiyalarining ilmiy-uslubiy va amaliy asoslarini ishlab chiqish lozim bo’lib, u mavzuning dolzarbligini belgilaydi.