Ma’deniyattaniw pa’ni boyinsha o`z betinshe ta`lim temalari bo`yinsha metodikaliq ko`rsetpe no’KİS – 2018

MA’DENİYATTANIW
PA’NI BOYINSHA


O`Z BETINSHE TA`LIM TEMALARI
BO`YINSHA METODIKALIQ KO`RSETPE


NO’KİS – 2018.
Talabalardin` o`z betinshe jumisi oqiw rejesindegi pa`ndi o`zlestiriw belgilengen oqiw islerinin` ajiralmas bo`legi bolip, ol axborot resurslari tamaninan ta`miyinlenip, orinlaniwi reyting dizimi talaplari tiykarinda qadag`alaniwi tiyis.
Qag`iydag`a muwapik joqari oqiw orinlarinda talabanin` ha`ptelik o`z betinshe jumisinin` ko`lemi bakalavrlardin` ku`ndizgi bo`liminde 22-saattan ibarat.
Oqiw semestri juwmag`inda talabanin` o`z betinshe jumisi boyinsha toplang`an reyting ballari ha`r bir pa`n boyinsha auditoriyadag`i oqiw islerine berilgen reyting ballari menen birgelikte toparlardin` reyting qaydnamasinda, talabalarinin` da`ptershesinde ha`m oqiwdi pitirgenligi tuwrali beriletug`in diplom qosimshasina registratsiyalaniwi kerek.


TALABANIN` O`Z BETINShE JUMISININ` MAQSETI

1.Oqitiwshilardin` basshilig`inda ha`m qadag`alawi astinda talaba ma`lim bir oqiw jumisin o`z betinshe orinlaw ushin za`ru`r bolg`an bilim ha`m ko`nlikpelerdi sa`wlelendiriw ha`m rawajlandiriw.

2. Oqitiwshinin` qadag`alawisiz talabanin` ma`lim bir oqiw jumisin o`z betinshe izertlep, ilimnin` teoriyaliq tarepin o`zlestirip, oni a`melde qollaniwdan ibarat.


TALABANIN` O`Z BETINShE JUMISININ` WAZIYPALARI.

1. Oqiw jumisina muwapiq jan`a bilimlerdi o`z betinshe puxta o`zlestiriw ko`nlikpelerine iye boliw.

2. Kerekli mag`liwmatlardi izlep tabiw, qolayli usillar ha`m
qurilmalardi aniqlaw.
3. Axborot dereklerinen u`nemli paydalaniw.
4. Da`stu`riy oqiw, ilmiy a`debiyatlardan paydalanip, myo`riy hu`jjetler menen islesiwdi qa`liplestiriw.
5. Komp`yuterlerden paydalanip, elektron oqiw a`debiyatlari ha`m
mag`liwmatlari banki menen islesiwdi jolg`a qoyiw.
6. Internet tarmag`inan maqsetli paydalaniw.
7. Mag`liwmatlar bazasin sho`lkemlestiriw.
8. Jumis na`tiyjelerin ekspertizag`a tayarlaw ha`m eksport juwmag`ina
tiykarlanip, kemshiliklerdi saplastiriw.
9. Tapsirmalardi orinlawda izbe-izlik ha`m do`retiwshilik penen
qatnasiwdi ta`miyinlew.
10. Islep shig`ilg`an sheshim, joybar yamasa ideyani taliqlaw ha`m qa`niygeler ja`ma`a`tinde qorg`ap shig`iw.