Маданиятнинг барча ўзига хосликлари киради

Микронезия халқлари

Микронезиянинг барча халқлари австронезия оиласи тилларида гаплашадилар. Ғарбда эса ғарбий австронезия, шарқда шарқий австронезия тармоқлари тарқалган. Ғарбий австронезия тилларида Микронезияда иккита халқ гаплашади – чаморро (73 минг) ва белау ёки полау (15 минг). Океан тармоғига тегишли бошқа халқлар орасида тунгар ёки гилбертулар (64 минг), трук (35 минг) маршалик (25 минг) понаплар (25 минг) кўпчиликни ташкил этади.

Аввал айтиб ўтилганидек Ғарбий ва Шарқий Микронезия аҳолиси бир-бирларидан нафақат тил, балки маданий муносабатларда ҳам фарқ қиладилар. Улар ирқий қиёфа жиҳатидан ҳам фарқ қиладилар. Агар Шарқий Микронезия архипелагларида Полинезия ва Миланезия ирқий типларини кузатсак, Ғарбий Микронезияда эса Жанубий Осиё ирқий элементлари кузатилади.
Европаликлар билан илк алоқалар даврида Микронезия аҳолиси деҳқончилик ва балиқчилик билан шуғиланади. Деҳқончилик ғарбий микронезияда кўпроқ ривожланган. Чаморро – океаниянинг ягона шоли етиштирадиган халқидир. Ғарбий Микронезияда ямс, таро, банан, кокос пальмаси, нон дарахти, шакарқамиш етиштирилган. Ерга ёғоч ёки тош мотигаси билан ишлов берилар эди. Шарқий Микронезияда кўпроқ балиқчилик билан шуғилланишган. Овчилик Микронезияда суст ривожланган. Уй ҳайвонларидан ит ва чўчқа маълум бўлган. Ҳунармандчилик жиҳатидан ҳам ғарбий ва шарқий Микронезия қарқ қилган. Ғарбда кулолчилик билан шуғилланишган, шарқда эса тикувчилик станогида ишлай билганлар.
Мариан, Палау, Яп оролларида уйлар тош устун ёки қозиқ оёқларда турган. Девор ва томлар пальма баргларидан қилинган. Каролин, Маршалл ва Гилберт оролларида турар жойлар тўртбурчак шаклда деворсиз кўтарилган. Ғоҳида бой хонадонлар тош пойдевордан қилинган. Ҳаракат воситаси сифатида қайиқдан фойдаланишган.
Кийим деярли бир турда бўлган, эркаклар боғичларда, аёллар ўт ёки барглардан юбкаларда юришган. Айрим жойларда кийим умуман мавжуд эмас эди. Таомда балиқ, ўзлари етиштирган ўсимликлар, гоҳида товуқ ва ит гўштларини ҳам ишлатганлар.
Жамият тузуми: ибтидоий жамоа шаклида бўлиб аҳоли табақага бўлинган. Айрим оролларда она уруғи ҳукмрон бўлган. Палау, Яп оролларида эркак ва аёллар иттифоқлари мавжуд эди. Никоҳ жуфт никоҳдан иборат бўлган. Асосан катта оилалар жамият бўғинини ташкил этган.
Айрим ороллари ўртасида айрибошлаш жонланган, бу эса пулнинг пайдо бўлишига олиб келди: мунчоқ, маржон, чиғаноқлар. Айрибошлашда тош дисклар катта мавқега эришди. Яп оролларида у умумий эквивалент ҳисобланган. Микронезиянинг анъанавий дини кам ўрганилган. Бу ерда аждодлар, ўликларга сиғинишган, руҳларга ишонч, шомонликни айрим айрим кўринишлари мавжуд эди. Микронезия фольклори полинезиялик ва миланезияликлар орасидаги ҳолатда бўлган. Миф қаҳрамонлари тўғрисидаги айтишлар кенг тарқалган.