М у с т а қ и л и ш мавзу

Тўртинчи авлод машиналари катта интеграл схемаларда қурилган, кўп процессорли машиналардир. Бу турдаги ЭҲМларнинг тезлиги 10 миллион амал / секунддан ортиқдир. Маълумки, катта имкониятларга эга бўлган ЭҲМлар жуда қимматдир. Барча корхона ва ташкилотлар бундай ЭҲМларни сотиб олиш имкониятига эга эмас. Мана шу қийинчиликдан қутилишнинг бирдан бир йўли корхона ва ташкилотларнинг биргалашиб ягона ЭҲМ паркларини ташкил қилишлари ва ундан биргаликда фойдаланишларидан иборатдир. Бунинг учун телефон ва телеграф йўллари орқали ЭҲМ тармоқлари ташкил қилиниши лозимдир. Ҳар 12 бир корхона ва ташкилот тармоқ орқали ЭҲМ паркига уланган ва ундан гўёки мустақил фойдаланаётгандек бўлади. Корхона ва ташкилотнинг ҳисоблаш марказларида фақатгина битта ёки бир неча киритиш ва чиқариш қурилмаларининг бўлиши етарли. Юқорида таъкидланган ЭҲМдан фойдаланиш усулини амалга ошириш тўртинчи авлод машиналарини яратишдан қўйилган асосий мақсад эди. Бу усулнинг яна бир қулайлиги шундаки, барча корхона ва ташкилотлар битта бир неча ЭҲМдан ташкил топган ягона хотирага эга бўлган маълумотлар хазинасига эга бўладилар. Бу маълумотлардан керакли пайтда фойдаланадилар ва уни қайта ишлайдилар. Юқоридаги барча қулайликларни амалга ошириш ЭҲМдан ташқари, ўта мустаҳкам (ишончли) телефон ва телеграф йўлларини мавжуд бўлишини тақозо этади
Шахсий ЭҲМнинг синфлари
Биринчи шахсий компьютерлар 1973 йилда Францияда Троунг Тронг Ти томонидан яратилган бўлиб, жамоа томонидан экзотик ўйинчоқ сифатида қабул қилинган. Инсон тафаккурини хар томонлама мантиқий фикрлашга жалб қиладиган шахсий компьютерлар муаллифи Стиф Жобсдир. «Apple Computer» фирмаси 1977 йилдан бошлаб кўп серияли шундай компьютерларни ишлаб чиқара бошлади. «Шахсий» атамаси ҳисоблаш техникасидан фойдаланувчининг алоҳида фойдаланиши мумкинлигини билдиради. Шахсий компьютерлар асосан клавиатура, дисплей, процессор, принтер ва ҳ.к. қурилмалардан ташкил топган бўлиб, уни бундай кўринишда ёзув столидаги асбоблардан бири деб ҳисоблашимиз мумкин. Ҳозирги вақтда энг кўп ишлатиладиган шахсий компьютерлар IBM PC компьютерларидир. Шахсий компьютерлар ўзининг ҳисоблаш имкониятига қараб асосан учта синфга бўлинади: чўнтак, уй-рўзғор ва касбий.