М у н д а р и ж а I боб. Металларнинг кристалл тузилиши ва кристалланиш поцесси

§. АЛЮМИНИЙ ВА УНИНГ ҚОТИШМАЛАРИ

Алюминий. Алюминий 657—660°С да суюқланадиган , 1800—2000°Сда қайнайдиган жуда енгил (солиштирма оғирлиги 2,7 га тенг) металл бўлиб, Д. И. Менделеев элементлар даврий системасининг III группасида туради (тартиб номери13)

Алюминийнинг кристалл панжараси ёцлари марказлашган куб. Тозалик даражасига қараб , алюминий кристалл панжарасининг параметри 4,041 дан ° 4,047А гача ўзгаради; атомини радиуси 1,43А
Қуймa алюминийнинг механик хоссалари қуйидагича: _ь=90—120 Мн/м (9— 12 кГ/мм²); _ок= 50 — 90 Мн/мм² (5—9 кГ /мм²); _э=30—50 Мн/м² (3 — 5 кГ/мм²); =10 — 25%; = 80%; НВ=25 — 35; Е = 69500 — 73000 Мн/м² (6950 — 7300 кГ/мм²). Алюминийнинг солиштирма электр қаршилиги р=2,92 10^-8 ом м (0,0292 ом мм²/м); иссиқ ўтказувчанлик коэффициенти =206,23 вт/м град (0,503 кал/см сек град); чизиқли кенгайиш коэффициенти а=23,8 10^-6.
Алюминийнинг кислородга яқин дошлиги катта бўлишига қарамай, у хавода ва баъзи бошқа мухитларда жуда оз коррозиланади, чунки унинг сиртида зич алюминий оксид (AI₂O₃) пардаси хосил бўлиб, металлнинг ичкй қисмларини коррозиланишдан сақлайди. Алюминий қанчалик тоза бўлса, унинг коррозия бардошлик хоссаси шунчалик юқори бўлади.
Техникада ишлатиладган алюминий маркаларининг химиявий таркиби 70- жадвалда келтирилган.
Мавжуд технология асосида ишлаб чиқариладиган алюминийда битта бўладиган (доимий) қўшимчалар темир бцлан кремнийдир. Техникавий тоза алюминийда бу қўшимчаларнинг бўлиши зарарли, чунки улар металлнинг пластиклигини пасайтиради.
Темир алюминийда амалий жихатдан олганда эримайди, балки мўрт химиявий бирикма (FeAl₃) хосил қилади. Демак, жуда оз миқдорда темир аралашган алюминийда хам бу бирикма бўлади ва Fe — Al холат диаграммасйда Al+FeAb таркибли эвтектика хосил қилади.

7 0 -жа д в а л