М у н д а р и ж а I боб. Металларнинг кристалл тузилиши ва кристалланиш поцесси

59-расм Такрор букилувчанлик синаш схемаси.

Намуна такрор букилишга фақат совук ҳолатда синалади. Намунани 90°га букиб, яна асли вазиятига қайтариш битта такрор букиш бўлади. Такрор букиш процесси минутига 60 чамаси такрор букиш тезлигида то намуна сингунча давом эттирилади.

3- §. МЕТАЛЛ ВА ҚОТИШМАЛАРНИНГ
БОТИЛУВЧАНЛИГИНИ СИНАШ

Металл ва қотишмаларнинг ботилувчанлигини синашдан кўзда тутиладиган мақсад улардан тайёрланган юпқа листларнинг (тунукаларнинг) совуқлайин штамплана олиш хусусиятини аниқлашдан иборатдир. Бунинг учун, ботилувчанлиги синаладиган лист ёки лентадан квадрат щаклида қилиб намуна қирқиб олинади. Синаладиган намуналарнинг, тегишли матрица ва пуансонларнинг улчамлари 6- жадвалда берилган.

60- расм:
а — синаш схемаси: 1 — пуансон, 2 — намуна. 3 — матрица, 4 — қисқич; б — асбобнинг умумий кўриниши: 5 — маховик, 6 — кўзгу.
6- жадвал.

Синаладиган листнинг қалинлиги, мм ҳисобида	Намуна томонининг узунлиги мм ҳисобида	Матрицанинг ички диаметри, мм ҳисобида	Пуансоннинг диаметри, мм хисобида
2 дан 4 гача 1,5 ≫ 2 ≫ 1,0 ≫ 1,5≫	70 дан 90 гача 70 ≫< 90 ≫ 10 ≫ 20 ≫	27 27 5	14 20 3

Қирқиб олинган намуна синаш асбобининг матрицаси устига қўйилиб, қисқич билан қисилади. Шундан кейин, намунада биринчи дарз ҳосил бўлгунча унга пуансон таъсир эттирилади. Намунани синаш схемаси ва синаш асбобининг умумий кўриниши 60- расмда тасвирланган.

Намунанинг биринчи дарз ҳосил бўлгунча ботилиш чуқурлиги шу намуна материалининг пластиклигини кўрсатади.
Пуансон намунага маховик ёрдамида минутига 16—10 мм тезлик билан таъсир эттирилади, дарз хосил бўлиш пайти эса кўзгу ёрдамида аниқланади.