М у н д а р и ж а I боб. Металларнинг кристалл тузилиши ва кристалланиш поцесси

1- §. МЕТАЛЛ ВА ҚОТИШМАЛАРНИНГ
БУКИЛУВЧАНЛИГИНИ СИНАШ
Металл ва қотишмаларнинг букилувчанлигини синашдан мақсад уларнинг белгиланган ўлчамда ва шаклда букила олиш хусуснятнни аниқлашдан иборат. Букилишга синаш учун синаладиган металл ёки қотишмадан арра, фреза ёки кескич ёрдамида бўйи l=5а+150 мм ва эни b=2а мм намуна қирқиб олинади, бу ерда а— синаладиган металл ёки қотишманинг қалинлиги (намунанинг эни 10 мм дан кам бўлмаслиги керак). Материалнинг турига ҳамда вазифасига кўра, намуна турлича: маълум бурчак ҳосил бўлгунча (58- расм, а), томонлари параллел вазиятга келгунча (58-расм, б)

58- расм. Намунанинг букилувчанлигини синаш.
Ёки иккала томони жипслашгунча букилади бунинг учун намуна иккита таянч роликка қўйилиб унинг қоқ ўртасига 58- расм, а ва б да кўрсатилганидек оправка ёки 58- расм, в да кўрсатилганидек нагрузка таъсир эттирилади. Намунани букиш учун пресс ёки тискидан фойдаланилади. Ишлаш вақтида эгиладиган қовушқоқ материалларнинггина букилувчанлиги синалади. Бу усул пайванд чокнинг сифатини, металл ёки қотишмаларнинг пайвандланувчанлигини синашнинг энг яхши усулидир.
Намуна совуқлайин ҳам, қиздириб туриб хам синалиши мумкин. Синовдан ўтказилган намунада дарз кетган, қаватларга ажралган, синган жойлар ва бошқа нуқсонлар бўлмаса, намуна букилишга бардош берган булади.

2- §. МЕТАЛЛ ВА КОТИШМАЛАРНИНГ ТАКРОР БУКИЛУВЧАНЛИГИНИ СИНАШ

Металл ва қотишмаларнинг такрор букилувчанлигини синашдан мақсад уларнинг букилиб-ёйилишга қанчалик бардош беришини аниқлашдан иборат. Бу усул диаметри 0,8 дан 7 мм гача бўлган сим ва чивиқлар, шунингдек, қалинлиги 5 мм гача бўлган листлар учун қўлланилади.

Металл ва қотишма листларининг такрор букилувчанлигини синаш учун улардан эни б=2h+10 мм (h— листнинг қалинлиги), узунлиги l=150 мм ли намуна қирқиб олинади.
Намуна асбобнинг жағлари орасига сиқилиб, гоҳ бир томонга, гоҳ иккинчи томонга 90° букилади (59-расм).