M. T. Yulchieva, N. T. Atamuratova

Dorzoventral bargning yuqori tomonida ustunsimon, pastki tomonida 
bulutsimon  yoki  g‘ovaksimon  to‘qimalar  joylashgan  bo‘ladi.    Cho‘ziq  barg 
sathiga  nisbatan    perpendikulyar  joylashgan  hujayralar  ustunsimon  parenxima 
deb  atalib,  ba’zi  o‘simliklarda  bir  qator(g‘o‘zada).  Ba’zilarida      2-3  qator 
(sambitgulda)  bo‘lib  joylashadi.  Turli  shakldagi  hujayralardan    iborat  to‘qima  
bulutsimon yoki g‘ovak to‘qima deb ataladi ( 40-rasm). 
Ustunsimon  to‘qimalarning  zich  joylashganligi  fotosintez  jarayonida 
quyosh  nuridan  samarali    foydalanishga,  assimilyasiya    natijasida  hosil 
bo‘ladigan moddalarni boshqa to‘qimalarga o‘tkazishga yordam beradi. 
Bulutsimon  to‘qimalar  orasida  hujayralararo  bo‘shliqlar  bo‘lib,  ular 
siyrak joylashgan. Ustunsimon hujayralarda xloroplast ko‘proq; shuning uchun 
barg ustki tomondan to‘q yashil bo‘lib ko‘rinsa, bulutsimon  
 

---

142 
 
 
40-rasm. Dorzoventral bargning tuzilishi. 
jv — bezli   tukcha, kv — oddiy tukcha,  ve — ustki epidermis, pm — qoziqsimon    
to‘qima, gm — bulutsimon   to‘qima,   ne — ostki epidermis,   ks — ksilema,  f — floema,  
s — sklerenxima, koll — kollenxima, ok — bog‘lamni o‘rab turuvchi hujayra, u — 
og‘izcha. 
 
to‘qima  hujayralarida  esa  xlorofill  donachalari  kamroq,  shu  sababli  
barg  ostki  tomondan  och  yashil  rangda  bo‘ladi.  Hujayralararo  bo‘shliq  orqali 
suv, havo bug‘lari harakatlanib, ortiqcha miqdordagi havo yo‘llari orqali tashqi 
muhitga chiqariladi. 
Ustunsimon  to‘qimalarda  fotosintez  jarayoni  faol  ketsa,  bulutsimon 
to‘qimalarda  ko‘proq  transpiratsiya  (bug‘lanish)  hodisasi  sodir  bo‘ladi. 
Ustunsimon to‘qima hujayralari o‘tkazuvchi to‘qima hujayralariga yondoshgan 
holda  bulutsimon  to‘qima  o‘zining  yassi  tomoni  bilan  ustunsimon  to‘qimaga 
birikib,  unda  tayyor  bo‘lgan  organik  moddalarni  floemaga  etkazib  beradi.  Bu 
organik  moddalarning  bir  qismi  o‘simlikbargining  rivojlanishi    uchun 
sarflansa, qolgan  qismi o‘simlikning  boshqa organlariga tarqaladi. 
Dorzoventral  tuzilishga  ega  bo‘lgan  barglar  ko‘pincha  mezofit  o‘rta 
sharoitda yashaydi.