M. T. Yulchieva, N. T. Atamuratova

O‘SIMLIKLARNING VEGETATIV ORGANLARI 
 
Yuksak  o‘simliklarda  ildiz,  poya,  barglar  asosiy  vegetativ  organlar 
hisoblanadi.  Dastlab  o‘simliklarda  poya,  keyin  barg  va  nihoyat  ildiz 
paydo  bo‘lgan.  Gulli  o‘simliklarning  organlari  bajaradigan  vazifasiga 
qarab  ikkita  guruhga  bo‘linadi.  O‘simliklarning  individual  hayotidagi 
oziqlanish,  assimilyatsiya,  suv  va  gaz  almashinuvi,  vegetativ  ko‘payish 
kabi  bir  necha  vazifalarni  bajaruvchi  organlari  vegetativ  organlar 
deyiladi.  Generativ  organlarga  gul,  meva  va  urug‘lar  kiradi.  Generativ 
organlar o‘simliklarning jinsiy ko‘payishi uchun hizmat qiladi.   
Organ  (grekcha  «organol»  —  qurol)  —  organizmda  ma’lum  bir 
tuzilishga  ega  bo‘lgan  va  ma’lum  bir  vazifani  bajaruvchi  a’zo  (barg, 
tana, ildiz, gul va boshqalar). 
Rivojlanishning evolyutsion taraqqiyot davrida o‘simliklarda o‘zining 
shaxsiy  hayotini  saqlashi  hamda  keyingi  avlodga  xos  xususiyatlarini 
qayta  tiklash  maqsadida  vegetativ  va  generativ  organlar  paydo  bo‘lgan. 
Evolutsiya taraqqiyoti natijasida vegetativ organlar yuksak o‘simliklarda 
paydo  bo‘lgan,  lekin  tuban  o‘simliklarda  bular  sodir  bo‘lmagan. 
Ularning  tanasi  ko‘p  hujayrali  tallomdan  (grekcha  —  «tallos»  — 
shoxcha,  butoq)  iborat  bo‘lib,  yuksak  o‘simliklarning  tanasi  esa 
vegetativ organlardan tashkil topgan. 
Vegetativ  organ  lotincha  vegetatio  so‘zidan  olingan  bo‘lib,  o‘sish 
degan  ma’noni  bildiradi,  o‘simlikning  individual  hayotini  saqlab 
qolishga intiladi, unga ildiz, poya, barglar kiradi. 
Generativ  organ  ham  lotincha  generatio  so‘zidan  olingan  bo‘lib, 
tug‘mok,  yaratmoq  degan  ma’noni  bildirib,  ularga  gul,  meva,  urug‘ 
kiradi. Ba’zan generativ organlarni ko‘payish organi deb ham yuritiladi. 

---

95