M. T. Yulchieva, N. T. Atamuratova

 
Simoz yoki simpodial to‘pgullar 
Simoz (simpodial) – to‘pgullar  yuqorida qayd qilinganidek, asosiy gul  
o‘qi  qisqa  bo‘lib,      uchi  oldin  ochiladigan  gul  bilan  tugallanib,  bazipetal 
(yuqoridan  pastga)  holda  o‘sadi  (50-rasm).  Simoz  to‘pgullar  uch  guruhga 
bo‘linadi: 

---

189 
 
1. 
Monoxazi  (monochasium)   –gul  o‘qi gul bilan tugallanib gulning 
bir  tomonida  bitta  yoki  bir  qancha  gullar  o‘sib  chiqadi.  Monoxazi  to‘pgullar 
gajak, ilon izi shaklda bo‘lishi mumkin. 
a) 
Gajak  (bostrium)  to‘pgul  o‘qi  bir  tomonlama  o‘rnashib  buralgan 
to‘pguldir, ularni kampirchopondoshlar oilasining vakillarida ko‘rish mumkin. 
b) 
Ilonizi(sincinnus)  to‘pgulining  o‘qi  ikki  tomonlama  birin  ketin 
o‘rnashgan  bo‘lib,  iloniziga  o‘xshaydi.  Bu  xildagi  to‘pgul  mingdevona 
(Hyocyamus) o‘simligida uchraydi. 
2. Dixazi(dichasium)    yoki  ayri  to‘pgul.  To‘pgulning  asosiy  o‘qi  gul 
bilan  tugaydi.  To‘pgul  o‘qining  yonidan  bir-biriga  qarama-qarshi  joylashgan 
ikkita  o‘qi  o‘sib  chiqadi,  bularning  har  biri  gul  bilan  tugaydi.  So‘ng  ularning 
yonlaridan  yana  ikkita  to‘pgul  o‘qi  o‘sadi,  bular  ham  gul  bilan  tugallanadi. 
Demak, dixaziy to‘pgulida soxta dixotomik shoxlanishni ko‘ramiz. Bu xildagi 
to‘pgul chinniguldoshlar oilasining vakillarida uchraydi. 
3. Pleyoxazi    (Pleiochasium)  yoki  soxta  soyabon  (Umbella  cymosa) 
to‘pgul.Pleyoxazi  to‘pgulning  asosiy  o‘qi  ancha  qisqargan  bo‘lib,  uning 
atrofida doira holida o‘rnashgan bir qancha o‘qlardan tashkil topgan to‘pgullar 
joylashadi. Buni sutlamadoshlarga mansub  o‘simliklarda uchratamiz.