М о р ф о л о г и я сўз туркумлари

The signal given, the train started. Сигнал берилгач, поезд жўнаб кетди.
Мустақил сифатдош обороти илмий-техникавий ва сиёсий-иктисодий адабиётларда жуда кенг тарқалган. Улар бадиий адабиётларда кам учрайди ва сўзлашувда деярли ишлатилмайди.
Изох: Кўпинча, ўрганувчиларга матнда мустақил сифатдош оборотини таниб олиш қийин бўлади. Шунинг учун унинг формал белгиларини эслаб колиш керак: 1) сифатдошдан олдин умумий келишикдаги предлогсиз от (ёки олмош) туради ва 2) мустақил сифатдош обороти хар доим вергул билан ажратилади.


РАВИШ (THE ADVERB)


УМУМИЙ МАЪЛУМОТЛАР


§ 1. Иш-харакатнинг белгисини ёки иш-харакат содир бўладиган турли холатларни кўрсатувчи сўз туркуми равиш деб аталади. Равиш феълга боғланади ва иш-харакатнинг қандай, қаерда, қачон ва хоказо бажарилишини кўрсатади.
He works hard. У қаттиқ ишлайди.
He lives here. У шу ерда яшайди.
I have not met him lately. Мен уни охирги пайтларда учратмадим.
Равиш сифатга ёки бошқа бир равишга уларнинг белгисини кўрсатиб боғланиши мумкин:
He is a very good student. У жуда яхши талаба.
She translated the article quite well. У мақолани жудаям яхши таржима қилди.
Равиш гапда хол вазифасини бажаради.


РАВИШЛАРНИНГ МАЪНО ВА ҚЎЛЛАНИШ ЖИХАТИДАН ТУРКУМЛАНИШИ


§ 2. Равишлар маъносига кўра қуйидаги асосий гурухларга бўлинади:

1. 
   Ў р и н равишлари: here бу/шу ерда, there у ерда, where қаерда, қаерга, inside ичида, outside ташқарида, ташқарига, above тепасида, устида, below остида, пастида, somewhere, anywhere қаердадир, қаергадир, nowhere хеч қаерда, хеч қаерга, elsewhere бошқа бир жойда ва бошқалар:
   

He will stay there until June. У у ерда июнгача қолади.
I opened the box and saw that there was nothing inside. Мен қутини очиб ичида хеч нарса йўқ эканлигини кўрдим.

1.