М. М. Мусаев компьютер тизимлари ва тармоқлари

Биполяр импулсли код шундай фарқланадики, унда мантиқий бир (1) бир қутбдаги импульс, ноль (0) эса бошқа қутбдаги импулс бўлади (3.3,в-расм). Ҳар бир импульс тактнинг ярмигача давом этади, бунда ҳар бир тактда мавжуд бўлган нолинчи потенциал қабул қилиш/узатишни синхронлаштириш учун яхши асос бўлади. Алоқа линияларининг ўтказиш хусусияти қўйиладиган талабларнинг потенциал ўсишига қараганда импульсли кодларнинг спектри камроқ. Биполяр импульсли код кам ишлатилади.
Манчестер коди локал тармоқларда кенг қўлланилади. У ҳам яхши синхронлаштириладиган кодларга киради, лекин фақат иккита поғонага эга. Мантиқий бирга битта бит марказида мусбат ўтишга (“паст поғона”- “юқори поғона” турдаги ўтиш), мантиқий нолга эса бит марказидаги манфий ўтиш мос келади. Бошқача айтганда, ахборот такт ўртасида бўладиган потенциаларнинг ўзгаришлари билан кодланади (3.3,г-расм).
Маълумотларнинг бир битини узатиш такти мобайнида сигнал бўлмаганда бир марта ўзгаради, у ҳолда манчестер коди алмаштиришни синхронлаштириш учун яхши хусусиятларга эга. Алоқа линиясининг ўтказиш хусусияти NRZ коди ишлатилгандагига қараганда икки марта кўп талаб қилинади. Масалан, 10 Мбит/с узатиш тезлиги учун алоқа линиясининг 10 МГц ўтказиш полосаси талаб қилинади. Манчестер коди биполяр кодга қараганда яна бир афзалликка эга, унда маълумотларни узатиш учун учта эмас, иккита ҳолат ишлатилади. Манчестер коди Ethernet, Tоken Ring технологияларида қўлланилади ва ҳам электр, ҳам оптик толали кабелларда ишлатилади.
2B1Q потенциал код маълумотларни кодлаш учун сигналнинг тўртта поғонасига эга. Коднинг номи унинг маъносини англатади. Ҳар бир икки бит (2В) тўртта ҳолатга (Qurdra) эга бўлган сигналнинг бир тактида (1) узатилади (3.3,д-расм). Иккита битларнинг 00 қўшмасига-2,5В потенциал, 01 жуфтга-0,833 В, 11 жуфтга+0,833 В, 10 жуфтга эса+2,5В потенциал мос келади. 2B1Q код ёрдамида ўша бир линия бўйича AMI ва NRZ1 кодларига қараганда икки марта кўп маълумотларни узатиш мумкин, лекин қабул қилувчи ҳалақитлар фонида тўртта поғона аниқ ажратилиши учун узатувчи катта қувватли бўлиши керак.