М. М. Мусаев компьютер тизимлари ва тармоқлари

NRZ потенциал код (Non Return to Zero).
Бу оддий рақамли сигнал бўлган оддий код бўлиб, бунда бирлар кетма-кетлигини узатиш нолли ҳолати йўқ, бир (1) ва ноль (0) потенциалнинг юқори ва пастки ҳолати билан қайд этилган (3.3,а-расм). Бу ишлатишда оддийликни таъминлайди, алоқа линиясида юқори ўтказиш хусусиятини талаб қилмайди. Масалан, бир 100 нс узунликли 10 мбит/с узатиш тезлигида алоқа линиясининг талаб қилинадиган ўтказиш хусусиятига 5 МГц ни ташкил этади.
NRZ кодининг камчилиги ахборотларнинг узун пакетларини қабул қилишда синхронлаштирилишнинг йўқолиши мумкинлиги, чунки қабул қилувчи нолли ҳолатнинг йўқлиги сабабли қабул қилишнинг бошланғич моментини пакетнинг фақат биринчи моментига боғлашга мажбур бўлади, кейин эса синхронлаштириш ички такт генератори ҳисобига бўлади (у узатувчи генератор тактлари билан мос тушмаслиги мумкин), шунинг учун NRZ фақат қисқа пакетларни (1 Кбитгача) узатишда ишлатилади. NRZ коди RS232 стандартида ишлатилади (компьютернинг кетма-кет порти). Узатиш байтларида старт ва стопли битлар белги сифатда ишлатилади.
Синхронлаштириш учун қулайроқ AMI (Alternate Mark Inversion) нолинчи даражали модификацияланган NRZ код ҳисобланади. Унда потенциалнинг учта- манфий, нолинчи ва мусбат поғонаси қўлланилади (3.3,б-расм). Манфий нолни (0) кодлаш учун нолинчи потенциал, мантиқий бирни (1) кодлаш учун мусбат ёки манфий потенциал ишлатилади, лекин бунда ҳар бир кейинги мантиқий бирнинг (1) потенциали олдинги потенциалга қарама-қарши бўлади. Бу қабулда синхронлаштириш қийинчилик туғдирмайди, чунки турли қутбли импульсларининг мавжудлиги билан ҳар бир навбатдаги битга боғланиш мумкин. Бу усулнинг NRZ кодига нисбатан камчилиги алоқа линиясининг талаб қилинадиган ўтказувчанлик қобилияти икки марта катта бўлади (10 Мбит/с), узатиш тезлигида линиянинг 10МГц ўтказиш хусусияти талаб қилинади.
AMI коди узатиладиган хатолик битларини назорат қилиш бўйича имкониятларни беради, сигналлар қутбларидаги қатьий ўрнатилган навбатнинг бузилиши хатолик (ёлғон) импульсининг пайдо бўлишини билдиради.