М. М. Мусаев компьютер тизимлари ва тармоқлари

Кейинги t3 моментда процессор биринчи буйруқнинг учинчи босқичини (маълумотларни ўқиш), иккинчи буйруқнинг иккинчи босқичини (дешифрация) ва учинчи буйруқнинг биринчи босқичини (буйруқни ўқиш) бажаради.
Кейинги t4 моментда энди бир вақтда процессорнинг турли боғламаларида дастур буйруқларининг бир-бирларидан кейин келадиган тўртта босқичлари бажарилади.
Ниҳоят t5 вақт моментида процессор биринчи буйруқнинг охирги бешинчи босқичини ва дастур буйруғининг ҳисоби бўйича бешинчи буйруқнинг биринчи босқичини бажаради. Шундай қилиб, t5 моментдан бошлаб процессорнинг барча бешта асосий функционал боғламалари ишлайди ва бир-бирларидан кейин келадиган дастур буйруқларининг навбатдаги бештасини бир вақтда конвейерли ишлов бериш жараёни амалга ошади.
Буйруқлар бажарилишининг оддий ноконвейерли усулида ҳар бир t вақт моментида дастурнинг битта буйруғи бажарилади.
Конвейерлаштириш фақат бажариладиган буйруқлар тахминан ишлатилиши вақтига тенг вақтга эга бўлганида самарали. Масалан, конвейерли ишлов беришда бир операциянинг бир неча босқичларда бўлиниб бажарилиши тўла юкланишга яқин бўлганида, дастурнинг навбатдаги операндларининг узатилиши тезлиги аппарат воситаларининг максимал унумдорлигига мос келганда самаралидир. Агар кечикиш вужудга келса, параллел бажариладиган операциялар сони камаяди. Бунда операцион тизим ёрдамида йўқотилиши мумкин бўлган баҳсли вазиятлар вужудга келиши мумкин. Операцион тизим бу барча вазиятларда баҳсли вазиятларнинг тўсатдан вужудга келиши вақтдан йўқотишларни камайтириш механизмига эга бўлиши керак.
Бир вақтда қўшилиб бажарилиши мумкин бўлган буйруқлар комбинацияларини (навбат алмашиш) алоҳида аппаратли блоклар қувватлай олмайдиган ҳолларда баҳсли вазиятлар вужудга келади. Бу дастур буйруқлари ҳам тез ишлатиладиган мантиқий буйруқларга, ҳам узоқ бажариладиган арифметик буйруқларидан иборат бўлиши туфайли вужудга келади. Бундай арифметик буйруқлар бажарилиш циклининг кечикишини келтириб чиқариши мумкин, бу операцион тизимнинг аралашувини талаб қилади. Кечикишда ҳамда ишлов беришда ҳам хотирага мурожаат қилишда ортиқча тактлар пайдо бўлиши мумкин. Бу ҳолда конвейерни бажариш тизими бир тактга ишни тўхтатишга мажбур.
Бундай баҳсли вазиятлар қуйидагилар ҳисобига ечилади:

• 
  хотирани модулли қуриш, бир неча модуллардан бирига мурожаат қилиш эҳтимоллиги юқори бўлиши;
  
• 
  кэш-хотиранинг борлиги, мурожаат қилиш ОХ ва кэш-хотира орасида бўлиниш мумкин (баъзан кэш-маълумотлар ва кэш-хотиралар ажратилади);
  
• 
  ОХ хотиранинг ўзи ҳам маълумотлар ва буйруқлар хотирасига ажратилади.