М. М. Мусаев компьютер тизимлари ва тармоқлари

Микродастурий бошқариш қурилмаси (МБҚ).
Бажариладиган операциянинг тури ва аввалги операциянинг натижасига асосланган бошқариш сигналларнинг керакли вақт дақиқаларида шакллантирилади ва компьютернинг барча блокларига узатади (2.4,а-расми). Микродастурий аппарат доимий хотира қурилмаси бўлиб, унинг чиқишида бу дастурнинг бажарилишида қатнашадиган процессорнинг алоҳида схемалари ва боғламалари учун мўлжалланган кодли сўзлар тўплами шаклланади. Шундай қилиб, бажариладиган буйруқнинг кодига буйруқни бажарилишининг барча асосий тактларини (операндларни ўқиш, улар устида ишлаш, натижасини ёзиш) ишлатадиган бир неча микрокўрсатмаларга мос келади. Микрокўрсатмалар кодли сўзлари разрядларини вақт бўйича ва фазо бўйича тақсимлаш учун бошқариш боғламаси мантиқи (логика) хизмат қилади.
Операция коди билан бир қаторда микродастурий автомат буйруқнинг манзиллаштириш тизимининг (МТ) разрядларини қайта ишлайди. МТ манзиллаштиришнинг разрядлари бу буйруқ учун зарур манзиллаштириш турини, яъни бажарувчи операциялар манзиллари буйруқларини ҳосил бўлиш усулини аниқлайди.
МТ манзиллаштириш тизими ва ОК операция кодини дешифрациялашдан кейин буйруқнинг бажарилиши бўйича ишнинг иккинчи босқичи тугайди.
МР манзил регистри БР буйруқ регистрининг иккинчи ярмини ташкил этади ва буйруқнинг манзилли қисмини (А₁, А₂) сақлаш учун мўлжалланган. МР даги маълумотларга мос равишда ва МТ манзиллаштириш тизимининг танланган иш тартибини ҳисобга олганда ХМР хотира манзили регистри орқали асосий хотирадан операндларни санаш амалга оширилади. ХМР асосий хотира хонасининг манзилини бу хона билан операциянинг (ўқиш ёки ёзиш) тугашигача сақлаш учун мўжалланган.У асосий хотира ва компьютернинг бошқа қурилмаларининг тезкор ишлаши бўйича фарқларни тенглаштириш учун буфер вазифаларини бажаради.
Учинчи босқич ишлатилганда операндлар асосий хотирадан ўқилади. Буйруқнинг манзилли қисми ХМР орқали асосий хотирага берилади. Асосий хотиранинг (ОХҚ) схемаси 2.4,б-расмда келтирилган. Одатда, она платада жойлаштирилган хотира микросхемасида процессор ва хотира орасида буфер бўлиб хизмат қиладиган кириш МР манзили регистри ҳам мавжуд.
Операндлар манзиллари МШ – манзиллар шинаси орқали берилади, МР да қайд этилади ва хотира хоналари матрицаларининг ДшХ ва ДшУ координатали дешифраторларнинг киришларига берилади. Манзиллар кодларининг катта (Х) ва кичик (У) разрядларини дешифрациялаш натижасида сақланадиган операндли хона танланади.
Хотирага ҳар бир мурожаат қилинганида ХМР хотира манзили регистри фойдаланиладиган хотира қисмининг манзилини кўрсатади. Бу регистрнинг чиқиши процессорни манзиллар шинаси (МШ) билан боғланган. Буйруқ бажарилишининг кичик қисми мобайнида ХМР хотирадаги маьлумотлар бажариладиган буйруқнинг турига боғлиқ бўлади. Агар бу буйруққа мос равишда процессор хотирага яна бир мурожаатини амалга ошириши керак бўлса (масалан, икки А₁ ва А₂ операндларни танлашда), у ҳолда ХМР иккиламчи фойдаланишда ва жорий буйруқнинг бажарилиш жараёнида бўлади. Буйруқлар ҳисоблагичи каби хотира манзили регистри машина хотирасининг исталган қисмини манзиллантириш учун етарли разядлар миқдорига эга бўлиши керак.
Кейин микродастурий автоматнинг синхронизацияловчи сигнали бўйича операнд оператив хотира ўзининг МР маьлумотлар регистри орқали ва МЛШ маълумотлар шинаси орқали АМҚ нинг киришига берилади (2.4,в-расм).